«قازاقستان تەمىر جولى» ۇلتتىق كومپانياسىنىڭ باسشىلىق قۇرامى وزگەردى. بۇل تۋرالى كومپانيانىڭ باق-پەن جۇمىس جونىندەگى دەپارتامەنتىنىڭ ديرەكتورى قايسار جۇماباي ۇلى Facebook پاراقشاسىندا جازدى, دەپ حابارلايدى Egemen.kz
قايسار جۇماباي ۇلىنىڭ ايتۋىنشا, «قتج» ۇك» اكتسيونەرلىك قوعامىنىڭ باسقارما توراعاسى ءبىرىنشى ورىنباسارىنىڭ مىندەتىن اتقارۋشى بولىپ باۋىرجان ورىنباساروۆ تاعايىندالعان.
«بۇعان دەيىن ول «قتج» ۇك» اق قۇرامىنداعى «ماگيسترالدىق جەلى ديرەكتسياسى» فيليالىنىڭ ديرەكتورى بولدى. ەڭبەك جولىن 1994 جىلى جولدار بويىنشا كەزەكشى بولىپ باستاعان. ءار جىلدارى باس ينجەنەر بولىپ جۇمىس ىستەدى, قتج فيليالدارىن – جولدىڭ ايماقتىق بولىمدەرىن باسقاردى; ۆيتسە-پرەزيدەنت, قتج باسقارما توراعاسىنىڭ ينفراقۇرىلىم جونىندەگى ورىنباسارى بولدى», دەپ مالىمدەدى دەپارتامەنت ديرەكتورى.
ودان وزگە, باسقارما توراعاسىنىڭ لوگيستيكا جونىندەگى ورىنباسارىنىڭ مىندەتىن اتقارۋشى بولىپ ەرجان جاقىشەۆ, باسقارما توراعاسىنىڭ جۇك قوزعالىسى جونىندەگى ورىنباسارىنىڭ مىندەتىن اتقارۋشى بولىپ قانات الماعامبەتوۆ تاعايىندالدى.