سەربيانىڭ بەلگراد قالاسىندا بوكستان حالىقارالىق تۋرنير ءوتىپ جاتىر, دەپ حابارلايدى Egemen.kz Olympic.kz-كە سىلتەمە جاساپ.
قازاقستان قۇراماسىنىڭ مۇشەسى ەرماحان جاقپەكوۆ جارىستى جەڭىسپەن باستادى. 75 كەلىگە دەيىنگى سالماق دارەجەسىندە سىنعا تۇسكەن ول كيپرلىك اندرەسا كوككينوسانى ۇتتى.
سونىمەن قاتار, كەلەسى اينالىمعا نۇرقانات رەيس تە ءوتتى. ول جەرگىلىكتى بوكسشى رامي كيۆاننان باسىم ءتۇستى.
69 كەلىگە دەيىنگى سالماقتا شارشى الاڭعا شىققان ابىلايحان ءجۇسىپوۆ شوتلانديالىق تايلەر ءدجولليدى ۇتىپ, جارىستى كەلەسى اينالىمدا جالعاستىرادى. ەرتۋعان زەينۋللينوۆ كوماندالاستارىنىڭ جەڭىستى جولىن جالعاستىرۋدا. 63 كەلىگە دەيىنگى سالماقتا ول رەسەيلىك يان شتوكالەنكودان ايلاسىن اسىرىپ, كەلەسى كەزەڭگە جولداما الدى. سونداي-اق, 81 كەلىدە قازاقستاندىق نۇربەك ورالباي سەربيالىق سلوبودان يوۆانوۆيچتى ۇتىپ, كەلەسى اينالىمدا جۇدىرىقتاسۋعا مۇمكىندىك الدى.