قىزىلوردا وبلىسىندا ءبىر جاسقا دەيىنگى سابيلەردىڭ كوروناۆيرۋس جۇقتىرۋ جاعدايى الاڭداتىپ وتىر, دەپ حابارلايدى Egemen.kz
قازىر وبلىستا كوروناۆيرۋس ينفەكتسياسىن جۇقتىرۋشىلار سانى ازايماي وتىر. سونىڭ سالدارىنان «سارى» ايماققا ەندى.
ءساۋىر ايىنىڭ العاشقى اپتاسىندا 201 جاعداي تىركەلدى. الداعى ۋاقىتتا بۇل كورسەتكىش تومەندەمەسە كارانتين تالاپتارى كۇشەيتىلەدى.
ء«بىزدى 1 جاسقا دەيىنگى سابيلەر مەن مەكتەپ جاسىنداعى بالالاردىڭ اۋرۋ جۇقتىرۋى الاڭداتۋدا. اۋدانداردا دا جاعداي كۇردەلەنىپ بارادى. بۇل ساقتىق شاراسىنا سالعىرتتىق تانىتۋدىڭ سالدارى. وسىلاي جالعاسا بەرسە كارانتين تالاپتارىن كۇشەيتۋگە ءماجبۇر بولامىز», دەدى وبلىستىق سانيتاريالىق-ەپيدەميالىق باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆا.
بۇگىندە مونيتورينگ توپتارى كارانتين تالابىنىڭ ساقتالۋىن قاداعالاۋ ماقساتىندا كۇن سايىن تەكسەرىس جۇرگىزىپ جاتىر.
اتالعان جۇمىس اياسىندا مىڭنان اسا نىسان مەن ۇيلەر ارالانىپ, كارانتين بۇزعاندارعا اكىمشىلىك شارا قولدانىلۋدا.