يمانبەك زەيكەنوۆتىڭ گرەممي سىيلىعىن العالى بەرى تابىسى ارتقان. بۇل تۋرالى ول «پو ستۋديام» YouTube ارناسىنا بەرگەن سۇقباتىندا ايتتى, دەپ حابارلايدى Egemen.kz.
«گرەممي جۇلدەسىن العالى قاجەتتىلىك تە, تابىس تا ارتتى. ءالى دە اقسۋ قالاسىنان كوشكەن جوقپىن. ەگەر ۇلكەن قالاعا قونىس اۋدارۋ كەرەك بولىپ جاتسا, نۇر-سۇلتان قالاسىنا كوشەر ەدىم», دەدى ي. زەيكەنوۆ.
سونداي-اق يمانبەك زەيكەنوۆتىڭ مەنەدجەرى كيريلل گرەممي كۇيساندىعى ءالى قولدارىنا تيمەگەنىن ايتتى. ونى گرەممي ۇيىمداستىرۋشىلارمەن ارنايى كەلىسىمشارت جاساسقان لوگيستيكالىق كومپانيا جەتكىزىپ بەرۋى ءتيىس كورىنەدى.