ادەبيەت قورىن تولىقتىرعان قۇندى ەڭبەك
قازاقستاننىڭ عىلىمي-كوپشىلىك ادەبيەتىنىڭ قورى تاعى ءبىر كىتاپپەن تولىعىپ وتىر. ول – پارلامەنت سەناتىنىڭ دەپۋتاتى ومىربەك بايگەلدىنىڭ “ەلىباي” كىتابى. “قازاقپارات” باسپاسى شىعارعان جيناق تاياۋدا استانادا وتكەن “BookExpoAstana” حالىقارالىق كىتاپ جارمەڭكەسىندە “ەڭ ۇزدىك عىلىمي-كوپشىلىك ادەبيەت” نوميناتسياسى بويىنشا ارنايى ديپلوممەن ماراپاتتالدى. كىتاپتىڭ پوليگرافيالىق اسەمدەلۋى دە ارنايى ديپلوممەن اتاپ ءوتىلدى. ول ءبىزدىڭ ەلىمىزدەگى باسپاگەرلەر كونكۋرسى مەن 2009 جىلى اشعابادتا وتكەن حالىقارالىق كورمەدە ءبىرىنشى ورىندى جەڭىپ الدى.
تاڭ زامانىندا ءومىر سۇرگەن قىتايدىڭ ۇلى اقىنى لي بونىڭ قازاق جەرىندە دۇنيەگە كەلۋى جونىندەگى بولجام بويىنشا دەرەكتەر ىزدەستىرۋدى ماقسات ەتكەن قحر-عا ەكسپەديتسيا كەزىندە جيناقتالعان مول زەرتتەۋ مالىمەتتەرى شىعارمانىڭ جانە “تابىلماي كەلگەن قازىنا” دەرەكتى ءفيلمىنىڭ نەگىزىن قۇرادى. ايتۋلى اقىن تۋرالى كىتاپ پەن دەرەكتى ءفيلمنىڭ تۇساۋكەسەرى وتكەن جىلى استاناداعى پرەزيدەنتتىك مادەنيەت ورتالىعىندا ۇيىمداستىرىلدى. “ەلىباي” كىتابىمەن تانىسۋ وتاندىق تاريحتىڭ بۇرالاڭدارىن تەرەڭ تۇسىنۋگە, قازاقستان-قىتاي مادەني-گۋمانيتارلىق بايلانىستارىن ودان ءارى دامىتۋعا جاردەمدەسەرى داۋسىز.
قحر-دا اقىننىڭ ءبىزدىڭ ەلىمىزدىڭ وقىرماندارىنا بەلگىسىز شىعارماشىلىق مۇرالارىن زەرتتەۋ جونىندەگى جيىرماعا جۋىق قور بار. ەكىنشى بولىگىندە قازاقشاعا اۋدارىلعان لي بونىڭ تۇپنۇسقا ماتىندەرى بەرىلگەن ەڭبەك ەلىمىزدىڭ باستى كىتاپحانالارىنىڭ قورىنا جىبەرىلدى.