ەلوردادا كۆي اۋرۋىنىڭ وسۋىنە بايلانىستى كارانتيندىك شەكتەۋلەردى قاتاڭداتۋ بويىنشا قوسىمشا شارالار ەنگىزىلۋدە. وزگەرىستەر سوو, سو جانە ت.ب. جۇمىس كەستەسىنە ەنگىزىلەدى, دەپ حابارلايدى قالا اكىمدىگىنىڭ رەسمي سايتى.
قالانىڭ باس مەملەكەتتىك دارىگەرى سارحات بەيسەنوۆا كارانتيندىك شارالاردى قاتاڭداتۋ تۋرالى جاڭا قاۋلىعا قول قويدى. قۇجاتقا سايكەس ساۋدا-ويىن-ساۋىق ورتالىقتارىنا, ساۋدا ۇيلەرى مەن ساۋدا ورتالىقتارىنا دەمالىس كۇندەرى جۇمىس ىستەۋىنە تىيىم سالىنادى.
«ساۋدا-ويىن-ساۋىق ورتالىقتارىنىڭ, ساۋدا ۇيلەرىنىڭ, ساۋدا ورتالىقتارىنىڭ جۇمىسىن كۇشەيتىلگەن سانيتاريالىق-ەپيدەمياعا قارسى سانيتاريالىق-پروفيلاكتيكالىق ءىس-شارالاردى ساقتاي وتىرىپ, ءبىر كەلۋشىگە 4 م2 ەسەبىنەن تولىمدىلىعىن ساقتاعان كەزدە جۇمىس كەستەسىن جۇمىس كۇندەرى ساعات 10:00-دەن 17:00-گە دەيىن جانە دەمالىس كۇندەرى جۇمىسىنا تىيىم سالۋمەن ۇيىمداستىرۋ (ولاردا ورنالاسقان ءدارىحانالاردان, سونداي-اق ازىق-ت ۇلىك پەن ءبىرىنشى قاجەتتىلىكتەگى تاۋارلاردى ساتاتىن مينيماركەتتەردەن, سۋپەرماركەتتەردەن جانە گيپەرماركەتتەردەن, سونداي-اق ولاردىڭ قىزمەتىنە وسى قاۋلى بويىنشا ولاردىڭ ورنالاسۋىنا قاراماستان رۇقسات ەتىلگەن وبەكتىلەردى قوسپاعاندا). بۇل رەتتە كورسەتىلگەن وبەكتىلەردە جانە ولاردىڭ اۋماقتارىندا ورنالاسقان اتتراكتسيونداردىڭ, بالالاردىڭ ويىن الاڭدارىنىڭ, مۇزدى جانە روليكتى سىرعاناقتاردىڭ, ويىن ورتالىقتارىنىڭ جۇمىسىنا قاتاڭ تىيىم سالىنادى», — دەلىنگەن قاۋلىدا.
فۋدكورتتاردىڭ جۇمىسى شتاتتىق رەجيمدە تەك تاماقتى جەتكىزۋگە جانە شىعارۋعا رۇقسات ەتىلەدى. ال اكتسيالاردىڭ, جارمەڭكەلەردىڭ, شوۋرۋمداردىڭ, ۇتىس ويىندارىنىڭ ءارتۇرلى تۇرلەرىن وتكىزۋگە تىيىم سالىنادى (ونلاين فورماتتان باسقا).
جاڭا قاۋلى 2021 جىلعى 30 ناۋرىزدا كۇشىنە ەنەدى.
ەستەرىڭىزگە سالا كەتەيىك, نۇر-سۇلتان 10 ناۋرىزدان باستاپ ەپيدەميولوگيالىق احۋالدى باعالاۋ ماتريتساسى بويىنشا «قىزىل ايماقتا» ورنالاسقان. كۇن سايىن قالادا كوروناۆيرۋستىق ينفەكتسيانىڭ 300-دەن استام جاڭا جاعدايى انىقتالادى. ەلوردا تۇرعىندارى مەن قوناقتارىنان كۆي اۋرۋىنىڭ وسۋىنە جول بەرمەۋ ءۇشىن سانيتارلىق نورمالار مەن كارانتيندىك رەجيم تالاپتارىن قاتاڭ ساقتاۋ تالاپ ەتىلەدى.