مەملەكەت باسشىسى قاسىم-جومارت توقاەۆ «حالىقارالىق قارىز ارحيتەكتۋراسى جانە وتىمدىلىك» اتتى جوعارى دەڭگەيدەگى جيىندا بەينەۇندەۋ جاسايدى. بۇل تۋرالى پرەزيدەنتىنىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا جازدى, دەپ حابارلايدى Egemen.kz
«بۇگىن نۇر-سۇلتان قالاسىنىڭ ۋاقىتى بويىنشا شامامەن 21:30-دا پرەزيدەنت قاسىم-جومارت توقاەۆ «حالىقارالىق قارىز ارحيتەكتۋراسى جانە وتىمدىلىك» اتتى جوعارى دەڭگەيدەگى جيىندا بەينەۇندەۋ جاسايدى. مەملەكەت جانە ۇكىمەت باسشىلارى دەڭگەيىندەگى ونلاين فورۋمدى وتكىزۋگە بۇۇ باس حاتشىسى انتونيۋ گۋتەرريش, كانادا جانە يامايكانىڭ پرەمەر-مينيسترلەرى دجاستين تريۋدو مەن ەندريۋ حولنەسس مۇرىندىق بولدى. جيىندى بۇۇ-نىڭ ۆەب-سايتى ارقىلى تىكەلەي ەفيردە تاماشالاۋعا بولادى», دەپ جازدى.