امەريكالىق ورىنداۋشى SAINt JHN-ءدىڭ «Roses» ءانىنىڭ رەميكسى ءۇشىن «گرەممي» العان قازاقستاننىڭ تانىمال مۋزىكانتى يمانبەك زەيكەنوۆ (Imanbek) ءوزىنىڭ قۇرمەتىنە كوشە مەن مەكتەپتىڭ اتاۋىن بەرۋگە قاتىستى پىكىر ءبىلدىردى, دەپ حابارلايدى Egemen.kz
بۇعان دەيىن ەكونوميست ارمان بايعانوۆ مەكتەپكە نەمەسە كوشەگە يمانبەك زەيكەنوۆتىڭ ەسىمىن بەرۋدى ۇسىنعان ەدى.
«ولار مەنىڭ اتىمدى كوشە نەمەسە مەكتەپكە بەرۋ تۋرالى ايتسا دا, مەن بۇعان مۇمكىندىگىنشە قارسى بولامىن. بۇل مەنىڭ اتىممەن كوشەنى اتايتىنداي كەرەمەت جەتىستىك ەمەس. مەنىڭشە, بۇل اقشانى ىسىراپ ەتۋ. ءيا, مەنىڭ اتىمدى مەكتەپكە بەرەتىندەي مەن كىممىن؟ مەن عالىم ەمەسپىن. وسى تۋرالى (يمانبەكتىڭ قۇرمەتىنە كوشە اتاۋى) پىكىر جازاتىن ادامدار بار, بۇل اقىماقتىق, بۇل جەكە باستى قورلاۋعا دەيىن ءوتىپ كەتەدى», دەيدى يمانبەك زەيكەنوۆ.