ءماجىلىس سپيكەرى نۇرلان نىعماتۋليننىڭ توراعالىعىمەن وتكەن جالپى وتىرىستا دەپۋتاتتار «كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى» جانە وعان ىلەسپە زاڭ جوباسىن ءبىرىنشى وقىلىمدا ماقۇلدادى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
نۇرلان نىعماتۋلين اتالعان زاڭ جوباسى ەلىمىزدىڭ ەكونوميكاسى ءۇشىن ەرەكشە ماڭىزدى ەكەنىن العا تارتا كەلىپ: -ەلباسىمىز نۇرسۇلتان ءابىش ۇلى نازارباەۆ ءوز باستاماسىمەن «سامۇرىق-قازىنا» ۇلتتىق قورىن قۇرعان كەزدە, وسىنداي كۆازيمەملەكەتتىك سۋبەكتىلەر جۇمىسىنىڭ اشىق جانە ءتيىمدى بولۋىنا باس نازار اۋدارعان بولاتىن. مەملەكەت باسشىسى قاسىم-جومارت كەمەل ۇلى توقاەۆ تا ءوزىنىڭ جولداۋىندا كۆازيمەملەكەتتىك ساتىپ الۋلار ماسەلەسىنە كوڭىل ءبولىپ, ارنايى زاڭ دايىنداۋ تۋرالى تاپسىرما بەردى. وسىعان وراي, كۆازيمەملەكەتتىك سەكتوردىڭ اشىق جانە باسەكەگە قابىلەتىن ارتتىراتىن جاڭا زاڭ جوباسى ازىرلەندى بۇل زاڭ جوباسىنا قاتىستى بىرقاتار وتىرىستار, بىرقاتار تالقىلاۋلار ءوتتى. كوپتەگەن ۇسىنىستار, تۇزەتۋلەر دە ەنگىزىلدى, - دەدى.
ءماجىلىس توراعاسىنىڭ پىكىرىنشە, ەندى وسى سالاداعى بارلىق ساتىپ الۋلار بويىنشا باقىلاۋ جاسالادى. سونىمەن بىرگە, وتاندىق ونىمدەرىمىزدى قولداۋعا جول اشىلادى. نۇرلان نىعماتۋليننىڭ ايتۋىنشا, زاڭ قابىلدانعاننان كەيىن جاعداي وزگەرۋى ءتيىس. ويتكەنى, ونىڭ نورمالارى "سامۇرىق-قازىنا" قورىنىڭ, "بايتەرەك", "قازاگرو" حولدينگتەرىنىڭ عانا ەمەس, سونداي-اق ساتىپ الۋدىڭ جالپى سوماسى جىل سايىن شامامەن 3,5 تريلليون تەڭگەنى قۇرايتىن 253 ۇلتتىق كومپانيا مەن ولاردىڭ ەنشىلەس ۇيىمدارىنىڭ قىزمەتىن رەتتەيتىن بولادى. بۇل قازىرگى ەلىمىزدىڭ ەكونوميكالىق بەلسەندىلىگى قالپىنا كەلە باستاعان ۋاقىتتا ەرەكشە ماڭىزدى.
پالاتا سپيكەرى اتاپ وتكەندەي, كۆازيمەملەكەتتىك سەكتورداعى ساتىپ الۋلاردىڭ اشىقتىعى مەن تيىمدىلىگىن ارتتىراتىن زاڭ جوباسى ساتىپ الۋلار ءۇشىن باسەكەلىك جاعدايلار جاساۋعا, سونداي-اق, وتاندىق وندىرۋشىلەردى قولداۋعا باعىتتالعان.
سونىمەن قاتار زاڭ جوباسى قازاقستاندىق كاسىپورىنداردىڭ وندىرىستىك قۋاتىن بارىنشا ارتتىرىپ, جۇمىس ورىندارىن ساقتاپ عانا قويماي, جاڭا جۇمىس ورىندارىن قۇرۋعا مۇمكىندىك بەرەدى.
ايتا كەتۋ كەرەك, زاڭ جوباسى كۆازيمەملەكەتتىك سەكتور, «اتامەكەن» ۇلتتىق كاسىپكەرلەر پالاتاسى, ساراپتاما ۇيىمدارى جانە قوعامدىق بىرلەستىكتەر وكىلدەرىنىڭ قاتىسۋىمەن جان-جاقتى تالقىلانىپ, قارالدى.
زاڭ جوباسى قولدانىستاعى زاڭنامانى «كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى» زاڭ جوباسىنا سايكەس كەلتىرۋ ماقساتىندا ازىرلەندى جانە كاسىپكەرلىك كودەكسكە جانە «اكتسيونەرلىك قوعامدار تۋرالى», «مەملەكەتتىك م ۇلىك تۋرالى», «ۇلتتىق ءال-اۋقات قورى تۋرالى» زاڭدارعا وزگەرىستەر مەن تولىقتىرۋلار ەنگىزۋدى كوزدەيدى. جالپى وتىرىستا ءماجىلىس «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» مەملەكەت باسشىسىنىڭ زاڭ شىعارۋ باستاماسى تارتىبىمەن پارلامەنتكە ەنگىزگەن زاڭ جوباسىن جۇمىسقا الدى.
سونداي-اق وتىرىس بارىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سەنات ەنگىزگەن تۇزەتۋلەردى قارادى. وسىعان سايكەس, ءماجىلىس كوميتەتى كەلىسىم كوميسسياسىن قۇرۋدى ۇسىنىپ, ونىڭ قۇرامىنا ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ دەپۋتاتتارى سنەجاننا يماشەۆا, ارمان قوجاحمەتوۆ جانە ارتۋر پلاتونوۆتى قوستى.
جيىن سوڭىندا ءماجىلىس دەپۋتاتتارى مەملەكەتتىك ورگاندار باسشىلارىنا دەپۋتاتتىق ساۋالدار جولدادى. ولار: ف.قاراتاەۆ, ا.راۋ, د. ەسباەۆا, ا.ابىلداەۆ, ج.احمەتبەكوۆ, ە.سايروۆ, ك.يسا.