قىزىلوردالىق ولجاس اقسەيىتوۆ مەملەكەتتەن قولداۋ تاۋىپ, جاس كاسىپكەرلەردىڭ قاتارىنا قوسىلدى. مۇمكىندىگى شەكتەۋلى جاس پەينتبول سپورت ورتالىعىن اشىپ, زامانداستارىنىڭ سالاۋاتتى ءومىر سالتىن ۇستانۋىنا جاعداي جاساۋدا.
وسىدان 8 جىل بۇرىن جۇمىس بارىسىندا وقىس وقيعاعا كيلىگىپ, مويىن ومىرتقاسىنان زاقىم العان ول ءبىرىنشى توپ مۇگەدەگى اتانعان. الايدا, تاعدىر تەزىنە مويىماعان جاس حوببيىن قولعا الىپ, ءوز ماقساتىنا جەتتى.
جاس كاسىپكەر 2020 جىلى سپورت ورتالىعىن اشۋ ءۇشىن «بيزنەس-مەكتەپ» قۇرالى بويىنشا وقۋ كۋرسىنان ءوتتى. «بيزنەستىڭ جول كارتاسى-2025» بيزنەستى قولداۋ مەن دامىتۋدىڭ مەملەكەتتىك باعدارلاماسى اياسىندا «سپورت كلۋبتارىنىڭ قىزمەتى» جوباسى بويىنشا 2 ملن تەڭگەنىڭ گرانتىن جەڭىپ العان.
سپورت ورتالىعىندا كەلۋشى جاستار پەينتبول ەكسترەمالدى ويىنىمەن اينالىسادى. قالا تۇرعىندارىنىڭ سالاۋاتتى ءومىر سالتىن ساقتاپ, سپورتپەن شۇعىلدانۋعا مۇمكىندىك بەرەتىن جاڭا ورتالىق جاستاردىڭ سپورتقا دەگەن قىزىعۋشىلىعىن ارتتىرۋدا.