كەشە پرەمەر-مينيستر كارىم ءماسىموۆ ءبىلىم جانە عىلىم مينيسترلىگى عىلىم كوميتەتىنىڭ “قازاقستان رەسپۋبليكاسىنىڭ ۇلتتىق بيوتەحنولوگيالار ورتالىعى” رمك-دە بولدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ۇكىمەت باسشىسى ميكروورگانيزمدەردىڭ رەسپۋبليكالىق كوللەكتسياسىن قاراپ, بيوتەحنولوگيالار جانە ءوسىمدىكتەر سەلەكتسياسى, يممۋنوحيميا جانە يممۋنوبيوتەحنولوگيا لابوراتوريالارىنىڭ, سونداي-اق ۇلتتىق بيوتەحنولوگيالار ورتالىعى ۇجىمىنىڭ سوڭعى بەس جىلداعى نەگىزگى عىلىمي جەتىستىكتەرى قويىلعان ۇجىمدىق پايدالانىمداعى بيوتەحنولوگيالاردىڭ ۇلتتىق عىلىمي لابوراتورياسىنىڭ جۇمىسىمەن تانىستى.
ودان سوڭ ك.ءماسىموۆ جۇمىس بابىنداعى كەڭەس وتكىزىپ, ۇسىنىلعان عىلىمي تالدامالاردى ساراپتاۋ جانە ومىرگە ەنگىزۋ جونىنەن مۇددەلى ۆەدومستۆولار باسشىلارىنا بىرقاتار تاپسىرمالار بەردى.
مەملەكەت باسشىسىنىڭ تاپسىرماسى بويىنشا ينستيتۋتقا سالىنعان مەملەكەتتىك رەسۋرستار ازىرگە العاشقى عىلىمي تيىمدىلىگىن بەرۋدە. ەندى عىلىمي تالدامالاردى ءىس جۇزىندەگى ناتيجەلەرمەن بايلانىستىرۋ قاجەت.
ەڭ باستى ماسەلە – ناتيجە. ءناتيجەنى تۇتىنۋشىنىڭ تۇپكى مۇددەسىمەن بايلانىستىراتىن بولىڭدار. بۇل جەردە يننوۆاتسيالار دا, جاڭا تەحنولوگيالار دا, قازاقستاندىق مازمۇن دا, عىلىمدى دامىتۋ دا, ءبارى دە ءبىر ارنادا توعىسادى. ەندى العا قاراي قوزعالۋ قاجەت, دەپ اتاپ ءوتتى كارىم ءماسىموۆ.