جارىق پەن جىلۋ “شاشقاندارعا” ماراپات

ەلوردادا وتكەن جىلدىڭ 8 قازانىندا باستالعان جىلۋ ماۋسىمى ءالى جالعاسۋدا. اياقتالۋ مەرزىمى الداعى اۋا تەمپەراتۋراسى رەجىمىنە بايلانىستى جاقىن ءۇش كۇندە بەلگىلى بولادى. جىلۋ 3 تاۋلىك ىشىندە استانالىقتاردىڭ ۇيىندە ورتاشا تاۋلىكتىك تەمپەراتۋرا تسەلسي بويىنشا 10 گرادۋس جىلىلىقتى كورسەتىپ تۇراتىن جاعدايدا توقتاتىلادى. بۇل تۋرالى استانا قالاسى اكىمى يمانعالي تاسماعامبەتوۆتىڭ توراعالىعىمەن وتكەن كوممۋنالدىق قىزمەتتەردىڭ كۇزگى-قىسقى كەزەڭدەگى جۇمىستارىن قورىتىندىلاۋعا ارنالعان كەڭەستە  ءمالىم بولدى. ەلباسى ن.نازارباەۆ 2 ساۋىردە وتكەن استانا قالاسىنىڭ ساۋلەت كەڭەسى ماجىلىسىندە بيىلعى قىستا ورىن العان ۇزاق ۋاقىت بويعى وتە تومەنگى تەمپەراتۋراعا قاراماستان, استانالىقتاردىڭ ۇيىندە ۇزدىكسىز جىلۋ مەن ەلەكتر ەنەرگياسىنىڭ بەرىلۋىن قامتاماسىز ەتكەن استانا قالالىق ەنەرگيا تاراتۋ مەكەمەلەرى جۇمىسىن ەرەكشە اتاپ كورسەتكەن بولاتىن. وسىعان وراي پرەزيدەنت ەلوردانىڭ ەنەرگەتيكالىق كەشەن مەكەمەلەرىنىڭ ايرىقشا ەڭبەك ەتكەن قىزمەتكەرلەرىنىڭ ەڭبەگىن باعالاۋ تۋرالى تاپسىرما بەرگەن-ءدى. وسى تاپسىرماعا سايكەس استانا قالاسى اكىمى ي.تاسماعامبەتوۆ 5 ۆاز-2107 اۆتوماشينەسىنىڭ كىلت­تە­رىن “استانا-ەنەرگيا” اق باس دي­رەكتورىنىڭ ورىنباسارى, جەو-1 جۇمىسىنا باسشىلىق ەتەتىن يۋري ۋتيۋجنيكوۆكە, “قالالىق ەلەكتر جە­لىلەرى” اق جوندەۋ جانە كابەلدى جە­لىلەردى مونتاجداۋ ەلەكترومون­تە­رى سەرىك تاۋتەكوۆ پەن ەبج قىز­مە­تى­نىڭ اعا شەبەرى  ۆلاديمير ۆيني­چەن­كوعا, “استانا-تەپلوترانزيت” اق جوندەۋ جانە تۇتىنۋشىلار ەسە­بى قىزمەتىنىڭ باستىعى راۋزا كاكە­نوۆاعا, “استاناسترويەنەرگو” جشس جوندەۋ جۇمىستارىنا دايىندىق ءبو­لىمىنىڭ باستىعى رىسكەلدى بۇركىت­باەۆ­قا تابىس ەتتى. سونىمەن قاتار, “استانا-ەنەرگيا” اق-تىڭ تاعى 6 قىزمەتكەرى – ليۋدميلا نيكيتينا, باي­بولسىن رىسباەۆ, ولەگ زوتوۆ, الەكساندر  دراپيكوۆسكي, سەرگەي سلاكاەەۆ جانە ولەگ گارمونششيكوۆ جاڭا پاتەرلەرگە يە بولدى. وتكەن جىلى جىلۋ ماۋسىمىنا دايىندىق جانە ونى وتكىزۋ ماقساتىندا قالا­لىق شتاب قۇرىلىپ, ونى استانا قا­لاسى اكىمىنىڭ ورىنباسارى ۆاسيلي كرىلوۆ باسقارعان بولاتىن. بۇگىنگى تاڭدا قالانىڭ بارلىق كوم­­مۋنالدىق قىزمەتتەرى مەن ەنەر­گە­تيكالىق كەشەن مەكەمەلەرى كەلەسى جىل­عى جىلۋ ماۋسىمىنا دايىندىق ايا­سىندا جوندەۋ جۇرگىزۋ باعدار­لا­ما­سىن بەكىتىپ, ىسكە اسىرۋدى باستاپ تا كەتتى. ءابدىراحمان قىدىربەك.