كەلەر جىلدان باستاپ «حالىقتىق IPO» باعدارلاماسى جاڭا باعىتتا جۇمىس ىستەيدى.تالاپ بويىنشا جەكە جيناقتاۋشى زەينەتاقى قورى بولمايدى. ونىڭ ورنىنا «بىرىڭعاي جيناقتاۋشى زەينەتاقى قورى» اق قۇرۋ ماسەلەسى شەشىمىن تابادى.
كەلەر جىلدان باستاپ «حالىقتىق IPO» باعدارلاماسى جاڭا باعىتتا جۇمىس ىستەيدى.تالاپ بويىنشا جەكە جيناقتاۋشى زەينەتاقى قورى بولمايدى. ونىڭ ورنىنا «بىرىڭعاي جيناقتاۋشى زەينەتاقى قورى» اق قۇرۋ ماسەلەسى شەشىمىن تابادى.
ارنايى تەكسەرۋ بارىسىندا ەلىمىزدەگى 88 سۋ ايدىنىنىڭ 13-ءى عانا تازا ەكەنى ءمالىم بولدى. وسىعان وراي قورشاعان ورتا جانە سۋ رەسۋرستارى مينيسترلىگى جاۋاپتى قۇرىلىمدارعا كەلەڭسىزدىكتى كەزەڭ-كەزەڭىمەن جويۋ جونىندە تاپسىرما بەردى.
اكادەميك ماناش قوزىباەۆتىڭ 7 تومدىق شىعارمالار جيناعى جارىق كوردى. مادەنيەت جانە اقپارات مينيسترلىگىنىڭ قولداۋىمەن شىعارىلعان جيناقتىڭ العاشقى تومىنا «مايدانگەر ستۋدەنتتەر», «اقتاڭداقتار اقيقاتى» كىتاپتارى جيناقتالعان.
استانادا 2017 جىلعا دەيىن اپاتتى جاعدايداعى 228 ءۇي ءسۇرىلىپ تاستالادى. بۇل رەتتە تۇرعىن ءۇي يەلەرىن جاڭا پاتەرمەن قامتاماسىز ەتۋ ماسەلەسى قاراستىرىلۋدا. جالپى, ەلوردا قالىپتاسقالى بەرى 12 ملن. شارشى مەتر تۇرعىن ءۇي پايدالانۋعا بەرىلگەن.
ماڭعىستاۋ وبلىسىنداعى ەكولوگتار جۇك پويىزى مەن جانارماي تاسيتىن كولىكتىڭ سوقتىعىسۋىنان بولعان ءورتتىڭ شىعىنىن ەسەپتەپ شىعاردى. ونىڭ قورشاعان ورتاعا كەلتىرگەن زالالى 120 ملن. تەڭگەنى قۇرايدى. قۇقىق قورعاۋ ورگانى اپاتقا تىكەلەي كىنالى «ەميرويل» كومپانياسىنا شىعىندى تولەۋدى مىندەتتەدى.
سەمەي قالاسىندا جاڭا مەديتسينالىق جەدەل-جاردەم اۋرۋحاناسى اشىلدى. ول زاماناۋي قۇرال-جابدىقتارمەن قامتىلعان. وسى ارقىلى ءوڭىر تۇرعىندارىنا ساپالى قىزمەت كورسەتۋگە قادام جاسالىپ وتىر.
ورال قالاسىندا جاس وتباسىلارعا 90 پاتەر بەرىلدى. بۇل تۇرعىن ءۇي «قولجەتىمدى باسپانا-2020» باعدارلاماسى شەڭبەرىندە سالىنعان بولاتىن.
«قازاقپارات», Egemen.kz حابارلارى
بويىنشا دايىندالدى.