ماڭعىستاۋ وبلىسىنىڭ جاڭاوزەن قالاسىندا ءۇش اۋىسىمداعى وقۋ ماسەلەسى رەتتەلدى. بۇل تۋرالى «24 kz» حابارلادى.
«شاھاردى كەشەندى دامىتۋ» باعدارلاماسىنا سايكەس, قالا ورتالىعىندا 900 وقۋشىعا ارنالعان جاڭا ءبىلىم ورداسى پايدالانۋعا بەرىلدى. جاڭاوزەنگە قاراستى راحات كەنتىنىڭ تۇرعىندارىنا دا جاڭا جىلدىق تاماشا تارتۋ جاسالدى. وتىز مىڭ حالقى بار اۋىلدا زامان تالابىنا ساي سالىنعان ەمحانا ەل يگىلىگىنە قىزمەت جاسايتىن بولدى.
جاڭا مەكتەپتە وقۋشىلاردىڭ ساپالى ءبىلىم الۋىنا تولىق جاعداي جاسالعان. بۇل جەردە 3 بىردەي كومپيۋتەر سىنىبى, ينتەراكتيۆتى تاقتالارمەن جابدىقتالعان بىرنەشە كابينەت, جاراتىلىستانۋ پاندەرى ءۇشىن ارنايى زەرتحانالار بار. قاجەتتى قۇرال-جابدىقتارمەن قامتىلعان سپورت زالدارى مەن كىتاپحانا جۇمىس ىستەپ تۇر. ءبىلىم وشاعىن سالۋعا مەملەكەت قازىناسىنان 1,5 ملرد. تەڭگە بولىنگەن ەكەن. «ەندى ءبىر اۋىسىمدا وقىپ, تۇستەن كەيىن ۇبت-عا دايىندالۋدىڭ مۇمكىندىگى تۋدى. جالپى ايتقاندا, بۇل يگى ءىس بارلىق وقۋشىلاردىڭ كوپتەن كۇتكەن قۋانىشى ەدى», - دەيدى وقۋشى تىلەكتەس ساپارباەۆا.
جاڭاوزەن قالالىق ءبىلىم ءبولىمىنىڭ باسشىسى گۇلايىم ازاننىڭ مالىمدەۋىنشە, جاڭا وقۋ جىلى باسىندا بوستاندىق شاعىن اۋدانىندا 624 ورىندىق مەكتەپ پايدالانۋعا بەرىلگەن. ارادا ساناۋلى ۋاقىت وتكەندە تەڭگە اۋىلىندا 900 ورىندىق مەكتەپ ءوز وقۋشىلارىنا ەسىگىن ايقارا اشتى. وسىنىڭ نەگىزىندە ءۇش اۋىسىمدا وقۋ ماسەلەسى رەتكە كەلتىرىلگەن.
باقىتبەك كەنەش ۇلى.
دەرەككوز: «24 kz»
فوتو: Nomad.su