كەشە ورتالىق كوممۋنيكاتسيالار قىزمەتىندە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ باستاعان بىرقاتار مينيسترلەر ءباسپاسوز ءماسليحاتىن وتكىزدى. وندا ەلىمىزدىڭ الەۋمەتتىك-ەكونوميكالىق دامۋ ۇردىستەرى سارالانىپ, وسى جىلداعى ەكونوميكالىق دامۋدىڭ قورىتىندىسى شىعارىلدى.
كەشە ورتالىق كوممۋنيكاتسيالار قىزمەتىندە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ باستاعان بىرقاتار مينيسترلەر ءباسپاسوز ءماسليحاتىن وتكىزدى. وندا ەلىمىزدىڭ الەۋمەتتىك-ەكونوميكالىق دامۋ ۇردىستەرى سارالانىپ, وسى جىلداعى ەكونوميكالىق دامۋدىڭ قورىتىندىسى شىعارىلدى.
بريفينگكە ەكونوميكا جانە بيۋدجەتتىك جوسپارلاۋ ءمينيسترى ە.دوساەۆ, كولىك جانە كوممۋنيكاتسيا ءمينيسترى ا.جۇماعاليەۆ, وڭىرلىك دامۋ ءمينيسترى ب.ءجامىشەۆ, قارجى ۆيتسە-ءمينيسترى ر.دالەنوۆ پەن ستاتيستيكا ىستەرى اگەنتتىگى توراعاسىنىڭ ورىنباسارى ج.جارقىنباەۆ قاتىستى. بريفينگكە مودەراتورلىق ەتكەن التاي ابيبۋللاەۆ اياقتالعالى تۇرعان جىلدىڭ جەتىستىكتەرى جونىندە ايتتى. «ەلباسى ايقىنداعان «قازاقستان-2050» ستراتەگياسىن جۇزەگە اسىرۋدىڭ ءبىرىنشى جىلى جەمىستى قورىتىندىلانىپ وتىر دەۋگە نەگىز بار. سونداي-اق, بيىلعى جىلى ەلىمىز الەمدەگى باسەكەگە قابىلەتتى 50 مەملەكەتتىڭ قاتارىنا قوسىلدى. وسى ءباسپاسوز ءماسليحاتىندا مەملەكەتتىك باعدارلامالاردىڭ جۇزەگە اسىرىلۋ بارىسى مەن ەلباسىنىڭ ۇكىمەتكە جۇكتەگەن تاپسىرمالارى قالاي ورىندالىپ جاتقانى جونىندە ءسوز بولادى», دەدى مودەراتور.
– بيىلعى جىلى ەلىمىزدىڭ ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا 11 مىڭنان استام تۇراقتى جۇمىس ورنى قۇرىلدى, – دەپ باستادى ءسوزىن ۇكىمەت باسشىسىنىڭ ءبىرىنشى ورىنباسارى. – جىلدىڭ الدىن الا قورىتىندىلارى ەلدiڭ الەۋمەتتiك-ەكونوميكالىق دامۋىنىڭ تۇراقتى ەكەنىن كورسەتتى. ەكونوميكانىڭ ءوسiمىن ەلباسى تاپسىرعان 6 پايىز دەڭگەيىندە قامتاماسىز ەتە الدىق. ينفلياتسيالىق ۇدەرىستەر 5 پايىزدان ارتپاي وتىر. ال, جۇمىسسىزدىق دەڭگەيi 5,2 پايىزدى قۇرايدى. جىل بويى ينۆەستيتسيالىق بەلسەندiلiك ارتىپ, نەگiزگi كاپيتالداعى ينۆەستيتسيا ءوسiمi 8,7 پايىزدى قۇرادى. بۇل داعدارىستان كەيiنگi كەزەڭدەگi ەڭ جوعارى جىلدىق كورسەتكiش بولىپ تابىلادى, دەدi ب.ساعىنتاەۆ.
پرەمەر-مينيستردiڭ بiرiنشi ورىنباسارىنىڭ ايتۋىنا قاراعاندا, ونەركاسiپ سالاسىنىڭ دامۋىنا ۇدەمەلi يندۋستريالىق-يننوۆاتسيالىق دامۋ باعدارلاماسى ىقپال ەتكەن. «ونەركاسiپ پەن تاۋ-كەن وندiرiسiندە, سونداي-اق, وڭدەۋ سالاسىندا دامۋ قارقىنى قالىپتى ساقتالىپ, ماشينا جاساۋ بويىنشا جىلدىق ءوسۋ كورسەتكىشى 15 پايىزعا ارتا ءتۇستى. مۇنداي قوماقتى تابىسقا قول جەتكiزۋگە نەگiزiنەن ءۇيد مەملەكەتتiك باعدارلاماسىنىڭ iسكە اسىرىلۋى ىقپال ەتۋدە. اتالعان باعدارلاما اياسىندا 2010 جىلدان بەرi 2,5 ترلن. تەڭگەگە 638 جوبا جۇزەگە اسىرىلىپ, 67 مىڭ تۇراقتى جۇمىس ورنى قۇرىلدى. بيىلعى جىلعا كەلەر بولساق, 400 ملرد. تەڭگە سوماسىندا 125 جوبا ەل يگىلىگىنە بەرىلىپ, 11 مىڭنان استام تۇراقتى جۇمىس ورنى اشىلدى», دەدi ول.
كەلەسى ءسوز كەزەگىن العان ەكونوميكا جانە بيۋدجەتتىك جوسپارلاۋ ءمينيسترى دە اعىمداعى جىل جاقسى كورسەتكىشتەرمەن قورىتىندىلانعالى وتىرعانىنا توقتالدى. «ەكونوميكانىڭ وسۋىنە ماكروەكونوميكالىق جاعداي ايتارلىقتاي ىقپال ەتتى», دەدى ە.دوساەۆ. ال قارجى ۆيتسە-ءمينيسترى ر.ءدالەنوۆ: «بيىلعى جىلدىڭ 10 ايىنىڭ قورىتىندىسىنا ساي, تاۋارلار بويىنشا مەملەكەتتىك ساتىپ الۋداعى جەرگىلىكتى ۇلەس 86 ملرد. تەڭگەنى نەمەسە 40,1 پايىزدى قۇرادى. 1 قازانداعى جاعداي بويىنشا, مەملەكەتتىك قارىز 4 ترلن. 74 ملرد. تەڭگە بولدى. بۇل ىشكى جالپى ونىمگە شاققاندا 1,9 پايىزدى قۇرايدى. مۇنى تومەن كورسەتكىش دەپ ايتۋعا بولادى. مەملەكەتتىك كەپىل بويىنشا قارىز 121 ملرد. تەڭگەنى قۇرايدى. 9 ايدىڭ قورىتىندىسى بويىنشا ۇكىمەتتىك بەرەشەك دەڭگەيى قاۋىپسىز شەكتى مولشەردە», دەدى.
وڭىرلىك دامۋ ءمينيسترى ب.جامىشەۆ ايماقتارداعى الەۋمەتتىك-ەكونوميكالىق ماسەلەلەر تۋرالى بايانداپ, ءتۇرلى مەملەكەتتىك باعدارلامالاردىڭ جەرگىلىكتى جەرلەردە جۇزەگە اسىرىلۋ بارىسىمەن تانىستىردى. سونداي-اق, سالاعا قاتىستى جاڭادان دايىندالعان زاڭ جوبالارى جونىندە دە اڭگىمەلەپ, ولاردىڭ ءتيىمدى تۇستارىن تاراتىپ ايتىپ بەردى. ول رەسپۋبليكا اۋماعىن ۇيىمداستىرۋدىڭ باس سحەماسىنا ارنايى توقتالىپ, قالا قۇرىلىستارىندا بۇل يگىلىكتىڭ قانداي پايداسى بولاتىندىعىن تاراتىپ ايتتى. مۇنداي باس سحەما ەلىمىزدە تۇڭعىش رەت جاسالىپتى. ب.جامىشەۆتىڭ ايتۋىنا يلانساق, وڭىرلەردى دامىتۋ بارىسىندا سحەمانىڭ كەلتىرەر پايداسى مول بولماق.
– كولiك جانە كوممۋنيكاتسيا مينيسترلiگi ءۇشiن 2013 جىل جەمiستi بولدى. بiرiنشiدەن, بiز ەلباسىنىڭ تاپسىرماسى بويىنشا كولiك ينفراقۇرىلىمىن جان-جاقتى دامىتۋ تۋرالى مەملەكەتتiك باعدارلاما دايىندادىق. اتالعان باعدارلامادا 30 مىڭ شاقىرىم اۆتوموبيل جانە 8 مىڭ شاقىرىمنان استام تەمiرجولدارىن جوندەۋ, اقتاۋ پورتىن كەڭەيتۋ, 300 تەمiرجول بەكەتiن كۇردەلi جوندەۋدەن وتكiزۋ مەن اۋەجايلاردى جاڭعىرتۋ كوزدەلگەن. مۇنىمەن قاتار, جول بويىنداعى 260 سەرۆيس نىساندارىن, 45 اۆتوستانسا مەن 9 اۆتوبەكەتتى, 1 مىڭنان استام تاكسي تۇراقتارىن سالۋ, سونداي-اق, جاڭادان تەمiرجول, اۆتوبۋس جانە اۋە مارشرۋتتارىن اشۋ سىندى كوپتەگەن شارالار جوسپارلانعان, – دەدi ا.جۇماعاليەۆ.
مينيستر «باتىس ەۋروپا–باتىس قىتاي» ماگيسترالi جوباسى تۋرالى دا باياندادى. بيىلعى جىلدىڭ وزiندە 2 200 شاقىرىم رەسپۋبليكالىق ماڭىزى بار جولدار جوندەلىپتى. سونىڭ iشiندە, «باتىس ەۋروپا–باتىس قىتاي» ءدالiزi بويىندا 5 وبلىستىڭ اۋماعى ارقىلى وتەتiن 1 853 شاقىرىم جولدىڭ قۇرىلىس جۇمىستارى جۇرگىزىلگەن. جوسپارلاعانداي, 806 شاقىرىم جولداعى قوزعالىس اشىلىپ, پايدالانۋعا بەرىلگەن. مينيسترلىكتىڭ كەلەسi جىلعى جوسپارى بويىنشا, شامامەن 180 شاقىرىم جول اشىلىپ, ەل يگىلىگىنە بەرiلەتىن كورىنەدى. ال 2015 جىلى ءدالiزدi رەكونسترۋكتسيالاۋ جۇمىستارىن تولىق اياقتاۋدى جوسپارلاپ قويىپتى.
– ورتالىق-وڭتۇستiك, ورتالىق-شىعىس مارشرۋتتارىن دامىتۋ اياسىندا «استانا – تەمiرتاۋ», «استانا – پاۆلودار», «الماتى – قاپشاعاي» جول تەلىمدەرiندە قۇرىلىس جۇمىستارىن باستادىق. كەلەسi جىلى اتالعان جول تەلىمدەرىندەگى جوندەۋ جۇمىستارى تولىق اياقتالادى. سونىمەن قاتار, قۇرىلىسقا جاڭا تەحنولوگيالار ەنگiزۋ بويىنشا, «ميكروسيۋرفەيسينگ» تەحنولوگياسىن جانە كوپiرلەردi سالۋدا پوليۋرەتاندىق تiرەك بولشەكتەرiن قولدانا باستادىق. كەلەسi جىلدان باستاپ مونوليتتi تەمiر بەتوندى كوپiرلەردi سالامىز جانە جىلى اسفالتتi پايدالانامىز, – دەدi سالا باسشىسى.
ءباسپاسوز ءماسليحاتىن ب.ساعىنتاەۆ قورىتىندىلادى.
نۇرباي ەلمۇراتوۆ,
«ەگەمەن قازاقستان».