ەۋرازيا ۇلتتىق ۋنيۆەرسيتەتىندە «سالىق زيمانوۆ: ازامات, عالىم, مەملەكەت جانە قوعام قايراتكەرى» تاقىرىبىندا رەسپۋبليكالىق عىلىمي-پراكتيكالىق كونفەرەنتسيا ءوتتى.
كونفەرەنتسيانى پرەمەر-ءمينيستردىڭ ورىنباسارى ەرالى توعجانوۆ مەملەكەت باسشىسى قاسىم-جومارت توقاەۆتىڭ قۇتتىقتاۋ سوزىمەن اشتى.
قۇتتىقتاۋدا «بۇگىن اسا كورنەكتى عالىم, اكادەميك سالىق زيمانوۆتىڭ تۋعانىنا 100 جىل تولدى. بۇل – وتاندىق زاڭ عىلىمى عانا ەمەس, بۇكىل ەلىمىز ءۇشىن ايتۋلى كۇن.
سالىق زيمان ۇلى تاۋەلسىز قازاقستاننىڭ قۇقىقتىق نەگىزدەرىن قالىپتاستىرۋعا وراسان زور ەڭبەك ءسىڭىردى. ول «مەملەكەتتىك ەگەمەندىك تۋرالى» دەكلاراتسيانى, «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋتسيالىق زاڭدى, العاشقى اتا زاڭىمىزدى ازىرلەۋگە اتسالىستى. سونداي-اق قازاقستانداعى پارلامەنتاريزم ينستيتۋتىن دامىتۋعا ايرىقشا ۇلەس قوستى.
ايگىلى عالىم قۇقىق سالاسىنىڭ قىر-سىرىنا تەرەڭ بويلاپ, تاعىلىمدى ەڭبەكتەر جازىپ قالدىردى. اسىرەسە, ەلىمىزدىڭ ساياسي جانە قۇقىقتىق دامۋ تاريحى, بيلەر ينستيتۋتى سياقتى تىڭ تاقىرىپتاردى تەرەڭ زەرتتەدى. ونىڭ مول مۇراسى الداعى ۋاقىتتا دا ەل يگىلىگىنە اينالا بەرەتىنى انىق.
سالىق زيمان ۇلى ۇلاعاتتى ۇستاز رەتىندە كوپتەگەن بىلىكتى زاڭگەردى تاربيەلەپ ءوسىردى. ونىڭ شاكىرتتەرى ەل ەكونوميكاسىنىڭ ءتۇرلى سالاسىندا تابىستى ەڭبەك ەتىپ ءجۇر.
ءدۇيىم زاڭگەر-عالىمدار قوعامداستىعىنا ءمالىم سالىق زيمانوۆتىڭ مەرەيتويى تاۋەلسىزدىگىمىزدىڭ 30 جىلدىعىمەن تۇسپا-تۇس كەلىپ وتىر. مۇنىڭ سيمۆولدىق ءمانى زور. تۋعان ەلىنە قالتقىسىز قىزمەت ەتكەن سالىق زيمانوۆتىڭ عيبراتتى عۇمىرى – جاس ۇرپاققا ءاردايىم ۇلگى-ونەگە.
كونفەرەنتسيانىڭ جۇمىسى تابىستى بولسىن! ەگەمەن ەلىمىز وركەندەي بەرسىن!» دەلىنگەن.
ءوز كەزەگىندە پرەمەر-ءمينيستردىڭ ورىنباسارى ەرالى توعجانوۆ اكادەميك س.زيمانوۆتىڭ ەلىمىزدىڭ زاڭ ءبىلىمى مەن زاڭ عىلىمىنىڭ قالىپتاسۋى مەن دامۋىنا جانە ەگەمەن, دەموكراتيالىق مەملەكەتىمىزدىڭ وركەندەۋىنە قوسقان باعا جەتپەس ۇلەسىن ەرەكشە اتاپ ءوتتى. ونىڭ ايتۋىنشا, سالىق زيمانوۆتىڭ تاۋەلسىز قازاقستاننىڭ قۇقىقتىق جۇيەسىن قالىپتاستىرۋعا قوسقان ۇلەسى زور. قازاقستاننىڭ ۇلتتىق مەملەكەتتىلىگىنىڭ قالىپتاسۋ تاريحى سالاسىنداعى ءىرى زەرتتەۋ ەڭبەكتەرى ونىڭ ءوز ءداۋىرىنىڭ ءىرى تۇلعاسى ەكەنىن دالەلدەيدى. «ول ءوزىن ورتاق ىسكە سالىپ, بار كۇش-قايراتىن ءوز ەلىنىڭ دامۋىنا جۇمسادى, ءوز حالقىنا ادال جانە جانقيارلىقپەن قىزمەت ەتتى جانە بۇگىندە جاڭا ۇرپاق ءۇشىن ناعىز ۇلگى بولىپ تابىلادى», دەدى ەرالى توعجانوۆ.
جيىندا ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ تاۋەلسىزدىكتىڭ ورنىعۋىنا, قۇقىقتىق مەملەكەت بولىپ قالىپتاسۋىمىزعا ولشەۋسىز ۇلەس قوسقان تۇلعانىڭ عاسىرلىق مەرەيتويى ۇلتتىق ۋنيۆەرسيتەتتىڭ 25 جىلدىعىمەن تۇسپا-تۇس كەلىپ وتىرعانىن اتاپ ءوتتى.
عىلىمي-كونفەرەنتسياعا ونلاين قاتىسقان سەنات دەپۋتاتتارى مۇحتار قۇل-مۇحاممەد, التىنبەك نۇح ۇلى, مەملەكەت جانە قوعام قايراتكەرى قۋانىش سۇلتانوۆ, ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ اكادەميك سالىق زيمانوۆتىڭ مەملەكەت جانە قوعام قايراتكەرى رەتىندەگى دارالىعىن ايتىپ, عالىمنىڭ قازاقستان زاڭدارىنىڭ نەگىزىن قالاۋداعى ەرەن ەڭبەكتەرىن ەرەكشە اتاپ ءوتتى.
سونداي-اق باسقوسۋدا كونستيتۋتسيالىق كەڭەستىڭ توراعاسى قايرات ءماميدىڭ, جوعارعى سوت توراعاسى جاقىپ اسانوۆ پەن ادىلەت ءمينيسترى مارات بەكەتاەۆتىڭ قۇتتىقتاۋلارى وقىلدى.
رەسپۋبليكالىق كونفەرەنتسيادا اكادەميك تۋرالى ءسوز العان عالىمدار مەن قوناقتار سالىق زيمان ۇلىنىڭ ەل ەگەمەندىگىنىڭ باستاۋىندا تۇرعان اسا كورنەكتى قازاقستاندىق قۇقىقتانۋشى عالىم بولعانىن, ونىڭ قازاقستاندىق قۇقىقتانۋ تاريحىنىڭ نەگىزىن قالاعانىن, تىڭ يدەيالاردى ىزدەستىرۋدە شاكىرتتەرىنە شىنايى ۇلگى بولا بىلگەنىن جەتكىزدى.
كونفەرەنتسيا شەڭبەرىندە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ زاڭ فاكۋلتەتىندە اكادەميك سالىق زيمانوۆ اتىنداعى اۋديتوريا اشىلىپ, عالىمنىڭ عىلىمي ەڭبەكتەرى مەن ءومىربايانىنىڭ فوتوماتەريالدار كورمەسى ۇيىمداستىرىلدى.