شىمكەنتتە كارانتيندىك شەكتەۋلەر ۇزارتىلدى

وعان سايكەس, كارانتيندىك شەكتەۋلەر ساقتالا وتىرىپ, قوعامدىق تاماقتانۋ ورىندارىنىڭ جۇمىس ۋاقىتى ساعات 7:00-دەن 00:00-گە دەيىن ۇزارتىلدى. بۇعان دەيىنگى رەجىمى – 7:00-23:00 بولعان ەدى. بۇل رەتتە, سىيىمدىلىق 50 پايىزدان اسپاۋى ءتيىس كونتينگەنتى 300 وقۋشىعا دەيىنگى قالالىق جانە اۋىلدىق مەكتەپتەر بالالار سانىن 15-تەن اسىرماي ءداستۇرلى فورماتتا ءبىلىم بەرەتىن بولادى.

سونداي-اق جالپى ءبىلىم بەرەتىن مەكتەپتەردە 1-5 سىنىپ, حالىقارالىق مەكتەپتەردە 7 سىنىپقا دەيىن بالا سانىن 15-تەن اسىرماي كەزەكشى سىنىپتار قۇرىلادى. اتا-انالار ءتيىستى ءوتىنىش جازۋى قاجەت. سپورتتىق وبەكتىلەردە (فيتنەس-ورتالىقتارى, ترەناجەر زالدارى, سپورتتىق-ساۋىقتىرۋ ورتالىقتارى, جابىق جانە جارتىلاي جابىق سپورتتىق قۇرىلىمدار, مۇز الاڭدارىنىڭ ونىڭ ىشىندە ساۋدا, ويىن-ساۋىق كەشەندەرى, ساۋدا ورتالىقتارى, ساۋدا ۇيلەرىندە ورنالاسقان مۇز الاڭدار) ءبىر ادامعا 5 شارشى مەتردەن كەلۋى ءتيىس, سىيىمدىلىعى 50% اسپاۋى شارت, قىزمەت رەجىمى – جۇمىس, دەمالىس جانە مەرەكە كۇندەرى 09:00-دەن 23:00-گە دەيىن.

باسسەيندەر الدىن الا جازىلۋ بويىنشا جۇمىس ىستەيدى. قالاداعى قوعامدىق كولىكتەردىڭ سانى كوبەيتىلىپ, ولاردىڭ جۇمىس, دەمالىس جانە مەرەكە كۇندەرى ءجۇرۋ ۋاقىتى ساعات 07:00-دەن 21:00-گە دەيىن بەلگىلەندى. بەتپەردە تاعۋ مىندەتتى.

اۆتوبۋستىڭ تولىمدىلىعى وتىراتىن ورىن سانىنان اسپاۋى قاجەت. ءوز جۇمىسىن قايتا باستاعان نىسانداردا (بازارلار, قوعامدىق كولىك, كوممۋنالدىق نىساندار, شاشتارازدار, سۇلۋلىق سالوندارى, مونشالار, ساۋنالار, سپورت وبەكتىلەرى, ساۋدا وبەكتىلەرى, بانكتەر, حقكو, «كازپوچتا» اق بولىمشەلەرى, مەنشىك نىسانىنا قاراماستان ۇيىمدار مەن مەكەمەلەر جانە ت.ب.) كوروناۆيرۋس ينفەكتسياسىنىڭ تارالۋىن الدىن الۋ باعىتىنداعى سانيتاريالىق-ەپيدەميولوگيالىق تالاپتاردىڭ ساقتالۋىنا مونيتورينگ جالعاساتىن بولدى.

ءموبيلدى مونيتورينگىلىك توپتار جانە بىرىڭعاي ۇيلەستىرۋ ورتالىعىنىڭ جۇمىستارى كۇشەيتىلىپ, كارانتين تالاپتارىن بۇزعاندارعا قىزمەتىن ۋاقىتشا توقتاتۋعا دەيىنگى شارالار قولدانىلاتىن بولادى.