ەلوردانىڭ قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا ۆاكتسينالاردى تاسىمالداۋ جانە ساقتاۋ ەرەجەلەرىن باياندادى.
ونىڭ ايتۋىنشا, باسقارما قويماسىندا ءبىر ۋاقىتتا 200 مىڭعا جۋىق ۆاكتسينا دوزاسىن ساقتاۋعا بولاتىن ءتورت مۇزداتقىش قوندىرعى بار.
«ۆاكتسينانىڭ ءوزى سق-فارماتسيا حابىنان اۆتورەفريجەراتورلاردا مينۋس 18-20 گرادۋستا جەتكىزىلەدى. جەتكىزۋدىڭ بارلىق كەزەڭدەرىندە سۋىق تەمپەراتۋرا ساقتالادى. ءارى قاراي, وسى ۆاكتسينالاردى بارلىق ستاندارتتارعا سايكەس قويماعا قابىلدايمىز. العاشقى مەديتسينالىق-سانيتاريالىق كومەك ۇيىمدارىنا ۆاكتسينا تەرموكونتەينەرلەردە جەتكىزىلەدى, ولاردا تەرموتىركەگىشتەر نەمەسە تەرموينديكاتورلار بولادى. سولار ارقىلى تاسىمالداۋدىڭ بارلىق كەزەڭدەرىندە تەمپەراتۋرالىق رەجيمنىڭ ساقتالۋىن تەكسەرەمىز», دەپ ءتۇسىندىردى سپيكەر نۇر-سۇلتان قالاسىنىڭ اكىمدىگىندە وتكەن ونلاين بريفيرنگىدە. ءاربىر مەديتسينالىق ۇيىمدا ۆاكتسينانىڭ ساقتالۋى مەن تاسىمالدانۋىنا جاۋاپ بەرەتىن, ارنايى وقىتۋدان وتكەن مەديتسينا قىزمەتكەرى بەكىتىلگەن. «ولار تاۋلىگىنە ەكى رەت – تاڭەرتەڭ جانە كەشكە توڭازىتقىش جابدىعىنىڭ تەمپەراتۋراسىن تەكسەرەدى جانە مۇنىڭ بارلىعى تەمپەراتۋرانى ەسەپكە الۋ جۋرنالىنا جازىلادى. ەگەر تەرموداتچيكتەر تاسىمالداۋ شارتتارى بۇزىلعانىن انىقتاسا, ناقتى شارالار قابىلداناتىن بولادى», دەيدى ءا. رۇستەموۆا.
ايتا كەتەيىك, ەلوردامىزدا ۆاكتسيناتسيالاۋدىڭ ءۇشىنشى اپتاسى اياقتالدى. ۆاكتسينالاۋ ەمحانالار, ينفەكتسيالىق ستاتسيونارلار, جەدەل مەديتسينالىق جاردەم, العاشقى مەديتسينالىق سانيتارلىق كومەك ۇيىمدارى, كوپبەيىندى ستاتسيونارلاردىڭ قابىلداۋ بولىمدەرىنىڭ مەديتسينا قىزمەتكەرلەرىنە وتكىزىلۋدە. ءتيىستى كونتينگەنت ىشىندە 6 300 ادامنىڭ 1 980-ءى ۆاكتسينا الدى. ولاردىڭ اراسىندا اسقىنۋ انىقتالعان جوق. سونىمەن بىرگە, ءاليا رۇستەموۆا «شەت ەلدە Pfizer نەمەسە Moderna ۆاكتسينالارى سالىنسا, قازاقستاندا قابىلدانا ما؟» دەگەن سۇراققا جاۋاپ بەردى.