2021 جىلعى 15-19 اقپان ارالىعىندا قوستاناي وبلىسىنىڭ اۋماعىندا “ميگرانت” جەدەل-الدىن الۋ ءىس-شاراسى وتكىزىلىپ جاتىر, دەپ حابارلايدى Egemen.kz Polisia.kz سايتىنا سىلتەمە جاساپ.
جەدەل-الدىن الۋ ءىس-شارالارىنىڭ باستى ماقساتى – قوستاناي وبلىسىنىڭ اۋماعىندا بولۋ مەرزىمى ءوتىپ كەتكەن شەتەلدىكتەردىڭ قۇقىقتىق مارتەبەسىن رەتتەۋ, ۆيزالار, جۇمىسقا رۇقسات بەرۋ, سونداي-اق اكىمشىلىك زاڭنامانى بۇزۋشىلاردى انىقتاۋ بولىپ تابىلادى.
جەدەل-الدىن الۋ ءىس-شاراسى وتكىزىلگەن ەكى كۇن ىشىندە ەلدە بەلگىلەنگەن مەرزىمنەن ارتىق زاڭسىز جۇرگەن جانە ەڭبەك قىزمەتىن زاڭسىز جۇزەگە اسىرعان, ەلدە بولۋ مەرزىمىن بۇزعان 11 شەتەلدىك ازامات اكىمشىلىك جاۋاپكەرشىلىككە تارتىلدى.
شەتەلدىكتەردىڭ كەلگەنى تۋرالى ۋاقتىلى حابارلاماعانى ءۇشىن شەتەلدىكتەردى قابىلداعان 33 ازاماتقا قاتىستى اكىمشىلىك شارالار قولدانىلدى. 28 شەتەلدىك ازاماتتىڭ قۇقىقتىق مارتەبەسى رەتتەلدى.
قوستاناي قالاسى پوليتسيا باسقارماسىنىڭ كوشى-قون قىزمەتىنىڭ قىزمەتكەرلەرى “دامۋ” قوعامدىق قورىمەن بىرلەسە وتىرىپ, ەلشىلىك ارقىلى وزبەكستان رەسپۋبليكاسىنىڭ 1990 جىلى تۋعان ازاماتى مەن تاجىكستان رەسپۋبليكاسىنىڭ 1985 جىلى تۋعان ازاماتىنا جەكە باسىن كۋالاندىراتىن قۇجاتتارىن قالپىنا كەلتىرۋگە جانە ەلدەرىنە ورالۋ ءۇشىن بيلەتتەر ساتىپ الۋعا كومەكتەستى.
سونداي-اق, “ميگرانت” جەدەل-الدىن الۋ شاراسى اياسىندا جىتىقارا جانە ناۋىرزىم اۋداندارىنىڭ كريمينالدىق پوليتسيا قىزمەتكەرلەرى ىزدەۋدە جۇرگەن ەكى كۇدىكتىنى ۇستادى.
پوليتسيا قىزمەتكەرلەرى شەتەلدىك ازاماتتاردىڭ قۇقىقتىق مارتەبەسىن رەتتەۋ ءۇشىن قالالار مەن اۋدانداردىڭ پوليتسيا بولىمدەرىنە, وبلىس ورتالىعىندا تاۋەلسىزدىك كوشەسى, 114 مەكەن-جايىندا ورنالاسقان كوشى-قون قىزمەتىنە جۇگىنۋ قاجەت ەكەنىن ەسكە سالادى.