«تاليبان» قوزعالىسىنىڭ سودىرلارى كەشە اقش-تىڭ كابۋلداعى ەلشىلىگىن اتقىلاعان. شامامەن جەرگىلىكتى ۋاقىت بويىنشا تاڭەرتەڭگى ساعات 6.40-تا ەلشىلىك كەشەنىنىڭ اۋماعىنا ەكى زىمىران كەلىپ جارىلعان.
الدىن الا اقپارات بويىنشا, زارداپ شەككەندەر جوق سەكىلدى.
وسى ۋاقىتتا تاليبتەر «فرانس پرەسس» اگەنتتىگىنە جارىلىستار ەلشىلىككە اۋىر زارداپتار اكەلگەنىن مالىمدەگەن. ولاردىڭ سوزدەرىنە قاراعاندا, ەلشىلىككە ءتورت زىمىران جىبەرىلىپتى. ءسوز رەتىندە اقش ەلشىلىگىنىڭ كاتوليكتىك روجدەستۆو مەيرامى اتالىپ وتەتىن كۇنى اتقىلانعانىن ايتا كەتەيىك. سوڭعى رەت تاليبتەر اقش ديپلوماتتارىنا ۇستىمىزدەگى جىلدىڭ 4 قىركۇيەگىندە شابۋىل جاساعان ەكەن. سول جولى ەلشىلىكتىڭ ەكى جەرگىلىكتى كۇزەتشىسى قازا تاپقان بولاتىن.
اقش-تىڭ ەلشىلىگىن اتقىلادى
«تاليبان» قوزعالىسىنىڭ سودىرلارى كەشە اقش-تىڭ كابۋلداعى ەلشىلىگىن اتقىلاعان. شامامەن جەرگىلىكتى ۋاقىت بويىنشا تاڭەرتەڭگى ساعات 6.40-تا ەلشىلىك كەشەنىنىڭ اۋماعىنا ەكى زىمىران كەلىپ جارىلعان.
الدىن الا اقپارات بويىنشا, زارداپ شەككەندەر جوق سەكىلدى.
وسى ۋاقىتتا تاليبتەر «فرانس پرەسس» اگەنتتىگىنە جارىلىستار ەلشىلىككە اۋىر زارداپتار اكەلگەنىن مالىمدەگەن. ولاردىڭ سوزدەرىنە قاراعاندا, ەلشىلىككە ءتورت زىمىران جىبەرىلىپتى. ءسوز رەتىندە اقش ەلشىلىگىنىڭ كاتوليكتىك روجدەستۆو مەيرامى اتالىپ وتەتىن كۇنى اتقىلانعانىن ايتا كەتەيىك. سوڭعى رەت تاليبتەر اقش ديپلوماتتارىنا ۇستىمىزدەگى جىلدىڭ 4 قىركۇيەگىندە شابۋىل جاساعان ەكەن. سول جولى ەلشىلىكتىڭ ەكى جەرگىلىكتى كۇزەتشىسى قازا تاپقان بولاتىن.
تۇرىك مينيسترلەرى وتستاۆكاعا كەتتى
بىرنەشە تۇركيالىق مينيستر بالالارى كوررۋپتسيا ءىسى بويىنشا تۇتقىنعا الىنعاننان كەيىن وتستاۆكاعا كەتتى. اۋەلى ەكونوميكا ءمينيسترى زافەر چاگلايان, ودان بىرنەشە مينۋت وتكەننەن كەيىن ىشكى ىستەر ءمينيسترى مۋاممەر گيۋلەر قىزمەتتەرىنەن بوسايتىندىقتارىن حابارلاعان.
وتستاۆكاعا كەتەرىنىڭ الدىندا ز.چاگلايان بىلاي دەپ مالىمدەپتى: «مەن ءوزىمنىڭ لاۋازىمىمنان ءبىزدىڭ ۇكىمەتكە قارسى جۇرگىزىلىپ جاتقان زىميان وپەراتسيالاردىڭ اق-قاراسىن انىقتاۋعا مۇمكىندىك بەرۋ ءۇشىن باس تارتىپ وتىرمىن». بۇل مالىمدەمە تۇركيا پرەمەر-ءمينيسترى رەدجەپ تايىپ ەردوعاننىڭ شەتەلدىك ساپاردان كەلۋىنە بىرنەشە ساعات قالعان كەزدە جاسالعان. پرەمەر-مينيستر كەلە سالىسىمەن, ۇكىمەتتە كادرلىق وزگەرىستەر جاسايدى دەپ كۇتىلگەن بولاتىن. ال چاگلايان مەن گيۋلەردىڭ ۇلدارى ەلدەگى اسا جوعارى دەڭگەيدەگى 24 جەمقوردىڭ تىزىمىنە ەنگىزىلگەن ەكەن.
قىسقا قايىرىپ ايتقاندا:
* باتىس ەۋروپانىڭ سولتۇستىگىندەگى بىرقاتار ەلدەرگە جاۋعان نوسەر جاڭبىر مەن قاتتى داۋىلدان كاتوليكتىك روجدەستۆونى اتاپ وتۋگە دايىندالعاندار دەر كەزىندە مەرەكەلىك داستارقانعا ۇلگەرە المادى. ولار روجدەستۆونى اۋەجايلاردا قارسى الۋعا ءماجبۇر بولدى.
* ۋكراينانىڭ بۇرىنعى پرەمەر-ءمينيسترى يۋليا تيموشەنكو جاقىندا رەسەي پرەزيدەنتى ۆلاديمير ءپۋتيننىڭ راقىمشىلىعىن العان ميحايل حودوركوۆسكيگە اشىق حات جازدى. وندا ول «يۋكوس-ءتىڭ» بۇرىنعى باسشىسىن بوستاندىققا شىعۋىمەن قۇتتىقتاپتى. تيموشەنكونىڭ دا ازاتتىقتى اڭسايتىنى كۇمان تۋعىزباسا كەرەك.
* رەسەيدىڭ «اكادەميك شوكالسكي» كەمەسى اۆستراليانىڭ ءوڭتۇستىگىنەن 3 مىڭ شاقىرىمعا جۋىق جەردەگى مۇزعا كەپتەلىپ قالدى. ونىڭ بورتىندا شامامەن 50 جولاۋشى جانە 20 ەكيپاج مۇشەسى بار كورىنەدى. كەمەنى قۇتقارۋعا ءۇش مۇزجارعىش جىبەرىلسە, ولاردىڭ العاشقىسىنىڭ ءوزى دىتتەگەن جەرىنە تەك ەكى كۇننەن كەيىن عانا جەتەدى ەكەن.
*. رەسەيدىڭ حانتى-مانسي اۆتونوميالى وكرۋگىندە پوليتسيا قىزمەتكەرىنە ادام ءولتىردى دەگەن ايىپ تاعىلدى. ءتارتىپ ساقشىسى ۆاز كولىگىن ماجبۇرلەپ توقتاتۋ ءۇشىن ونىڭ جولىنا توسقاۋىل رەتىندە جۇك كولىگىن كەسە-كولدەنەڭ قويعىزعان. جۇرگىزۋشى سول قالقانعا سوعىلىپ قازا تاپقان.
اسكەرىن دايىندىققا شاقىردى
سولتۇستىك كورەيانىڭ كوسەمى كيم چەن ىن ەل ارمياسىن جەدەل اسكەري دايىندىق جاساۋعا شاقىردى. مۇنداي ۇندەۋ ءسوزدى ول كەشە نامپحو قالاسىنداعى كورەيا حالىق ارمياسىنىڭ 526-بولىمىندە بولعان كەزىندە ايتتى.
كيم چەن ىننىڭ سوزىنە قاراعاندا, سوعىس ەشقانداي ەسكەرتۋسىز باستالۋى مۇمكىن, سوندىقتان اسكەر قاشاندا تولىقتاي دايىندىق ساپىندا تۇرۋى ءتيىس. ال سولتۇستىك كورەيا باسشىسىنىڭ اسكەري بولىمگە ساپارى ونىڭ اكەسى كيم چەن ءيردىڭ 1991 جىلى كورەيا حالىق ارمياسىنىڭ جوعارعى باس قولباسشىلىعىنا تاعايىندالۋىنىڭ 22 جىلدىعىنا ارنالعان ەدى. ساپار كەزىندە كيم چەن ىننىڭ جانىندا كحدر ارمياسى ساياسي بيۋروسىنىڭ باسشىسى, سولتۇستىك كورەيا كوسەمىنىڭ جەزدەسى چان سون تحەك اتىپ ولتىرىلگەننەن كەيىن ەلدەگى ەكىنشى ادام سانالاتىن چحۆە رەن حە ەرىپ جۇرگەن.
نارازىلىعىن نوتا جولداپ ءبىلدىردى
گرۋزيانىڭ ۋكرايناداعى ەلشىلىگى سىرتقى ىستەر مينيسترلىگىنە بىرقاتار گرۋزيا ازاماتتارىنىڭ ۋكرايناعا كىرۋىنە تىيىم سالىنۋىنا بايلانىستى نوتا جولدادى. مۇنى گرۋزيا ەلشىسى ميحايل ۋكلەبۋعا سىلتەمە جاساي وتىرىپ, يتار-تاسس حابارلادى. ديپلومات اتاپ وتكەندەي, ەندى رەسمي جاۋاپ كۇتىلۋدە ەكەن.
بۇعان دەيىن بيلەۋشى وڭىرلەر پارتياسىنان جوعارعى راداعا دەپۋتات ولەگ تسارەۆ ۋكراينا اۋماعىنا كىرۋگە تىيىم سالۋعا جاتاتىن بىرقاتار گرۋزيالىقتاردىڭ ءتىزىمىن تۇزگەن بولاتىن. تىزىمدەگى 36 ادامنىڭ ىشىندە ەلدىڭ بۇرىنعى پرەزيدەنتى ميحايل سااكاشۆيلي دە بار. «سااكاشۆيليگە مۇندا دانەڭە جوق», دەپ مالىمدەپتى و.تسارەۆ. ال دەپۋتاتتىڭ ءسوزى ازىرشە رەسمي تۇردە قۋاتتالعان جوق. ويتكەنى, ءسىم-دەگىلەردىڭ مالىمدەۋىنشە, «قارا تىزىمدەگىلەر» تەكسەرۋدى تالاپ ەتەدى. ارينە, ولاردىڭ اراسىندا ۋكراينا قاجەتسىنبەيتىن ادامدار دا جوق ەمەس, دەيدى ءسىم-دەگىلەر.
ۋرۋگۆايدا ماريحۋانا زاڭداستىرىلدى
ۋرۋگۆاي پرەزيدەنتى حوسە مۋحيكا ماريحۋانانى ساتۋدى, ءوسىرۋدى جانە تۇتىنۋدى تولىق زاڭداستىراتىن زاڭعا قول قويدى. بۇعان دەيىن زاڭ جوباسىن ۋرۋگۆايلىق سەناتورلار ماقۇلداعان ەدى. ال قابىلدانعان زاڭ جوباسىنا باستاماشىلىق تانىتۋشىلاردىڭ ءبىرى دە پرەزيدەنت مۋحيكا بولىپ تابىلادى.
زاڭ ءوزىنىڭ كۇشىنە قول قويىلعان كەزدەن باستاپ ەنگىزىلۋى ءتيىس. بىراق ۇكىمەت نورماتيۆتىك اكتىلەردىڭ زاڭدىلىعىن قامتاماسىز ەتەتىن قۇجات دايىنداۋ ءۇشىن 4 اي جۇمسايتىن كورىنەدى. اتاپ ايتقاندا, بيلىكتەگىلەر ماريحۋانانىڭ ءدال قانداي سورتىنا ءوسىرۋ ءۇشىن جانە قانداي سورتىنا وسىرۋگە رۇقسات ەتۋ ءۇشىن ليتسەنزيا بەرۋدى ناقتىلاۋى ءتيىس ەكەن. ال قابىلدانعان زاڭعا سايكەس 18 جاستان اسقان ۋرۋگۆاي ازاماتتارى ءدارىحانالاردان 40 گرامعا دەيىن ماريحۋانا ساتىپ الۋعا جانە ءوزىنىڭ تۇتىنۋى ءۇشىن جىلىنا 6 تۇپتەن اسپايتىن ماريحۋانا وسىرۋگە قۇقىقتى بولادى.
ۇلكەن كونتراباندانىڭ جولى كەسىلدى
تاجىكستاننىڭ استاناسى – دۋشانبە قالاسىنداعى اۋەجايدا 26,4 ميلليون ءرۋبلدى الىپ وتۋگە قاتىسى بار دەگەن 3 ادام ۇستالدى. ولاردىڭ ءبىرى 1977 جىلى تۋعان رۋداكي اۋدانىنىڭ تۇرعىنى كوميلدجون اليەۆ سانكت-پەتەربۋرگكە ۇشىپ شىقپاقشى بولعان ەكەن.
كەدەنشىلەردىڭ اقپاراتىنا قاراعاندا, اقشا فايزالي ميرزوەۆ دەگەن بىرەۋگە تيەسىلى كورىنەدى. ول رەسەيلىك ءبىر اۋە كومپانياسىنىڭ وكىلى ەركيندجون حاكيموۆپەن كەلىسىپ, اقشانى جوعارىدا اتالعان اليەۆ ارقىلى رەسەي اسىرماق بولىپتى. ەندى «كونتراباندا» بابى بويىنشا قىلمىستىق ءىس قوزعالعان. وتكەن جىلدىڭ ماۋسىم ايىندا دا تاجىكستاندىق كەدەنشىلەر جالپى سوماسى 100 مىڭ دوللار تۇراتىن التىن بۇيىمدارى كونترابانداسىنىڭ جولىن كەسكەن بولاتىن. سول جولى 3,5 كيلوگرامم تارتاتىن التىن تۇركيانىڭ ىستامبۇل قالاسىنا زاڭسىز جەتكىزىلمەك بولعان ەدى.
ينتەرنەت ماتەريالدارى نەگىزىندە ازىرلەندى.