ءبىرىنشى جارتىلاي ورتا سالماقتا جۇدىرىقتاساتىن قازاقستاندىق بوكسشى قانات يسلام (27-0-1, 21 كو) ءوزىنىڭ كەزەكتى جەكپە-جەگىن 20 اقپاندا وتكىزەدى. بۇل تۋرالى امەريكالىق Boxingscene.com باسىلىمى حابارلادى.
باسىلىمنىڭ مالىمەتى بويىنشا قازاق بوكسشىسىنىڭ قارسىلاسى 33 جاستاعى گانالىق «the مiracle» (عاجايىپ, سيقىر) لاقاپ اتىنا يە وبوداي ساي (35-3-1, 26 كو) بولماق. جەكپە-جەك اقش-تىڭ مايامي قالاسىندا وتەدى دەپ جوسپارلانعان. وسىلايشا, قانات يسلام 14 اي ۇزىلىستەن كەيىن ۇلكەن رينگكە قايتا ورالادى. ەڭ كەيىنگى كەزدەسۋىن ول 2019 جىلى الماتىدا وتكىزىپ, WBO International تيتۋلى ءۇشىن ايقاستا ناميبيالىق ۋولتەر كاۋتوندوكۆانى (18-2, 17 كو) جەڭگەن ەدى. بۇعان دەيىن شەتەلدىك باسىلىمدار ق.يسلامنىڭ مەكسيكالىق حايمە مۋنگيامەن (36-0, 29 كو) جۇدىرىقتاسۋى مۇمكىن ەكەنىن حابارلاعان ەدى.