بيىلدان باستاپ جاڭا فورماتتا وتكەلى جاتقان فۋتبولدان قازاقستان سۋپەركۋبوگىنىڭ جەرەبەسى تارتىلدى.
ەلوردادا وتكەن جەرەبە تارتۋ ناتيجەسى بويىنشا, ءتۋرنيردىڭ جارتىلاي فينالىنداعى العاشقى ويىن 2 ناۋرىزدا بىلتىرعى ەل چەمپيونى – «قايرات» پەن كۇمىس جۇلدەگەر قوستانايدىڭ «توبىلى» اراسىندا وتەدى. ال 3 ناۋرىزعا جوسپارلانعان ەكىنشى جارتىلاي ماتچتا قاراعاندىنىڭ «شاحتەرى» ەلوردانىڭ «استانا» كلۋبىمەن كىم مىقتىنى انىقتايدى. ال ءۇشىنشى ورىن ءۇشىن وتەتىن ماتچ 5 ناۋرىزدا, فينالدىق كەزدەسۋ 6 ناۋرىزدا ۇيىمداستىرىلادى. سۋپەركۋبوك ويىندارى جۋىردا عانا پايدالانۋعا بەرىلگەن تۇركىستانداعى «تۇركىستان-ارەنادا» وتەدى.
ايتا كەتەيىك, ءتۋرنيردىڭ جالپى جۇلدە قورى 40 ملن تەڭگەنى قۇرايدى (شامامەن, 94,7 مىڭ دوللار). ال جەڭىمپاز اتانعان كلۋبقا قازاقستان سۋپەركۋبوگى مەن 25 ملن تەڭگە (شامامەن 59,2 مىڭ دوللار) تاپسىرىلادى.