نيدەرلاندتىڭ حەرەنۆەن قالاسىندا ءوتىپ جاتقان كونكيمەن جۇگىرۋ سپورتىنان الەم چەمپيوناتىندا قازاقستاندىق سپورتشى ەكاتەرينا ايدوۆا ۇزدىك وندىققا ەندى.
ۇلتتىق وليمپيادا كوميتەتىنىڭ حابارلاۋىنشا, كەزەكتى جارىس كۇنىندە ايەلدەر اراسىندا 1000 مەتر قاشىقتىق بويىنشا سپورتشىلار ءوزارا مىقتىنى انىقتادى. اتالعان باسەكەدە قازاقستان قۇراماسىنىڭ سپورتشىسى ەكاتەرينا ايدوۆا ونىنشى ورىنعا تۇراقتادى. باس جۇلدەنى اقش سپورتشىسى بوۋ بريتتاني يەلەنسە, نيدەرلاند وكىلى ليردەم جۋتتا كۇمىس جۇلدەگە قول جەتكىزدى. قولا جۇلدە رەسەيلىك سپورتشى ەليزاۆەتا گولۋبەۆاعا بۇيىردى. ەرلەر اراسىندا 1000 مەتر قاشىقتىق بويىنشا سىنعا تۇسكەن قازاقستاندىق ارتۋر گاليەۆ – 19, رومان كرەچ – 22, دەميان گاۆريلوۆ 23-ورىننان كورىندى.