وسى اپتادا شىمكەنت قالاسىندا «مەملەكەتتىك قىزمەتتى رەفورمالاۋ: ىشكى ءتۇيىن جانە ايماقتىق باق-تاعى كورىنىسى» اتتى ايماقتىق سەمينار ءوتتى. بۇل ءىس-شارا ەۋروپا وداعىنىڭ «قازاقستان ۇكىمەتى مەملەكەتتىك قىزمەتىن رەفورمالاۋ جانە مودەرنيزاتسيالاۋ» جوباسىنىڭ قولداۋىمەن, مەملەكەتتىك قىزمەت ىستەرى اگەنتتىگى وڭتۇستىك قازاقستان وبلىسى بويىنشا باسقارماسىنىڭ ۇيىمداستىرۋىمەن جۇزەگە استى.
وسى اپتادا شىمكەنت قالاسىندا «مەملەكەتتىك قىزمەتتى رەفورمالاۋ: ىشكى ءتۇيىن جانە ايماقتىق باق-تاعى كورىنىسى» اتتى ايماقتىق سەمينار ءوتتى. بۇل ءىس-شارا ەۋروپا وداعىنىڭ «قازاقستان ۇكىمەتى مەملەكەتتىك قىزمەتىن رەفورمالاۋ جانە مودەرنيزاتسيالاۋ» جوباسىنىڭ قولداۋىمەن, مەملەكەتتىك قىزمەت ىستەرى اگەنتتىگى وڭتۇستىك قازاقستان وبلىسى بويىنشا باسقارماسىنىڭ ۇيىمداستىرۋىمەن جۇزەگە استىجيىنعا قاتىسقان مەملەكەتتىك قىزمەت ىستەرى اگەنتتىگىنىڭ ءتوراعاسى ءاليحان بايمەنوۆ بۇل جيىننىڭ ماقساتى مەملەكەتتىك رەفورمانى باق وكىلدەرى ارقىلى جۇرتشىلىققا كەڭىنەن ءتۇسىندىرۋ قاجەتتىگىنە, مۇنداي وزگەرىستەردى حالىقتىڭ پىكىرىنە قۇلاق سالماي جۇزەگە اسىرۋ مۇمكىن ەمەس ەكەنىنە توقتالدى. اگەنتتىك ءتوراعاسى كادرلاردى ىرىكتەۋ جانە ولاردى قىزمەت بابىمەن ءوسىرۋدىڭ, مەملەكەتتىك قىزمەتتەگى ەتيكالىق جانە جەمقورلىققا قارسى باقىلاۋدى كۇشەيتۋدىڭ جاڭا تەتىكتەرى, «ا» كورپۋسىن قۇرۋ ءجانە ونىڭ قىزمەتى بويىنشا ايماقتىق جۋرناليستەر ءجيى قوياتىن ساۋالدار نەگىزىندە جاڭا مەملەكەتتىك قىزمەت مودەلىنىڭ نەگىزگى قاعيدالارىن ءتۇسىندىردى.
«رەفورما – جۇيەنى زاماناۋي تالاپقا بەيىمدەۋ. مەملەكەت ءتۇگىلى ءار سانالى جەكە ادام ءوزىنىڭ قارىم-قابىلەتىن, ىسكەرلىك قاسيەتتەرىن رەفورمالاۋ ارقىلى دامىپ, ءوسىپ وتىرادى. سول ءۇشىن ىزدەنەدى, وقيدى. ماسەلەن, وسىدان شيرەك عاسىر بۇرىنعى جىلدارمەن سالىستىرعاندا ەلىمىزدىڭ جاستارى كوپ وزگەردى. «بولاشاق» باعدارلاماسى بويىنشا شەتەلدەردە ءبىلىم الىپ كەلگەن كوپتەگەن جاستارىمىز ءوز بەتتەرىمەن ىزدەنىپ, شاعىن كاسىپورىندار اشىپ, ادامداردى جۇمىسپەن قامتۋدا. بۇل قوعامنىڭ العا جىلجىعانىن كورسەتەدى. ءبىزدىڭ ەلدىڭ مەملەكەتتىك قىزمەت ءىسىندەگى رەفورمالارعا رەسەيلىك ساياساتكەرلەر مەن عالىمدار قىزىعۋشىلىق ءبىلدىرىپ جاتىر. ءبىز ءىس جۇزىندە العا كەتتىك. ءبىزدىڭ قوعامدا ءبىلىمدى, بىلىكتى ماماندار جەتكىلىكتى. سولاردى تابا ءبىلۋ كەرەك, كورە ءبىلۋ كەرەك», دەدى ءاليحان مۇحامەديا ۇلى.
اگەنتتىك جەتەكشىسى قوعام, ۇكىمەتتىك ەمەس ۇيىمدار جانە باق-پەن ءوزارا ۇنقاتىسۋ ۆەدومستۆو قىزمەتىندەگى باسىم باعىت ەكەنىن اتاپ ءوتتى. اگەنتتىكتىڭ تۇجىرىمدامالىق جانە زاڭنامالىق باستامالارىن اشىق تالقىلاۋ ءۇشىن مەملەكەتتىك قىزمەتتى جەتىلدىرۋ ماسەلەلەرى ءجونىندە ساراپشىلار كەڭەسى قۇرىلعان. سونىمەن بىرگە, سەمينار بارىسىندا مەملەكەتتىك قىزمەت ساپاسىن جاقسارتۋداعى ايماقتىق باق وكىلدەرى مەن جەرگىلىكتى مەملەكەتتىك ورگانداردىڭ ءوزارا ىقپالداستىق ماسەلەلەرى تالقىلاندى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.