سەگىز وڭىردە جولدار جابىلدى

«ازاماتتاردى اۋا رايىنىڭ وزگەرىستەرىن باقىلاۋعا شاقىرا­مىز. داۋىلدى ەسكەرتۋ تۋرالى حابارلامالاردى تىڭداپ, قاجەتتى ساقتىق شارالارىن قا­بىلداڭىزدار. قىس ماۋسىمىندا كولىكپەن الىس جولدارعا شىقپاس بۇرىن, اۋا رايى بولجامىن مىندەتتى تۇردە زەردەلەگەن ءجون. ەگەر قاتتى بوران, بۇرقاسىن بولسا, جول كەپتەلىسىندە ۇزاق تۇرىپ قالۋىڭىز مۇمكىن. ءتىپتى جول-كولىك وقيعاسىنا دا تاپ بولۋىڭىز ىقتيمال. ەگەر قانداي دا ءبىر ەلدى مەكەنگە شۇعىل بارۋ كەرەك بولسا, دىت­تەگەن جەرگە كەدەرگىسىز جەتۋ ءۇشىن تەمىر جول كولىگىن پاي­­دالانۋعا كەڭەس بەرەمىز. تومەندە كەلتىرىلگەن قاراپايىم ۇسىنىمداردى ورىنداساڭىز, بوران بولعان كەزدە جانە بوراننان كەيىن امان قالۋعا كوپ سەپتىگىن تيگىزەدى. قىستا جولعا شىعار الدىندا مۇقيات اۋا رايى بولجامىن زەردەلەڭىز, قوزعالىس ءۇشىن قانداي جولدار جابىلۋى مۇمكىن ەكەنىن انىقتاڭىز», دەلىنگەن حابارلامادا.

سونىمەن بىرگە اقپاراتتى «قازاۆتوجول» ۇك» سايتىندا تولىعىمەن جابىق ۋچاسكەلەردىڭ كارتاسىن كورۋگە بولادى. 1403 بىرىڭعاي تەلەفون ءنومىرى نەمەسە قۇتقارۋ قىزمەتىنىڭ «112» تەلەفون ءنومىرى, سونداي-اق «دارمەن» ءموبيلدى قوسىمشاسى ارقىلى ناقتىلاۋعا بولادى. «112» قىز­مەتىنەن رەسمي داۋىلدى ەسكەرتۋ العان جاعدايدا ەلدى مەكەندەردەن جانە جولعا شىعۋدان باس تارتا تۇرۋ قاجەت. شۇعىل قىزمەتتەر اۆتوموبيلدەردى لەك­پەن ىلەسىپ جۇرۋگە شەشىم قا­بىل­داعان جاعدايدا جول قوزعا­لىسى ەرەجەلەرىن ساقتاڭىز; ىلەسىپ جۇرەتىن شۇعىل قىزمەت بەل­گىلە­گەن جىلدامدىق رەجىمىن ساقتاڭىز; وتكىزۋ پۋنكتىنەن شىققان ءاۆتوموبيلدىڭ ارتىنان ىلەسىڭىز جانە ونى باسىپ وزباڭىز; الدىندا كەلە جاتقان ءاۆتوموبيلدىڭ اراسىنداعى قا­شىقتىقتى ساقتاڭىز; الداعى اۆتو­موبيلدەردى باسىپ وزۋعا بول­­مايدى; اينالاداعى قوزعا­لىسقا ءمان بەرىڭىز.