جولداما جولىنداعى جارىستار

بوكستان قازاقستان ايەلدەر كومانداسى قازىر مۇمكىن بولعان بەس جولدامانىڭ تەك بىرەۋىنە عانا يەلىك ەتۋدە. قالعان ءتورت لي­تسەنزيانىڭ تاعدىرى ماۋسىم ايىندا وتەتىن پاريجدەگى تۋرنيردە شەشىلمەك. باس باپكەر ەرىك العابەكتىڭ ايتۋىنشا, وليمپيادا سالماعىنداعى بۇرىمدى بەس بوكس­شى ماجارستاندا وتەتىن حالىق­ارالىق تۋرنيردە باق سىناماق. «كەيىن تۇركيادا ءتورت مەملەكەتتىڭ قاتىسۋىمەن بىرلەسكەن جاتتىعۋ جيىنىنا قاتىسۋ جوسپاردا بار. ال 5 ماۋسىمدا پاريجدە الەمدىك ىرىكتەۋ ءتۋرنيرى باستالادى. سول باسەكەگە 51, 57, 60 جانە 69 كيلو سالماقتاعى بوكسشىلاردى اپارامىز. ازىرگە, ىرىكتەۋ سىنىنا ناقتى كىمدەردىڭ باراتىنى انىقتالعان جوق. ءالى ۋاقىت بار, باپكەرلەرمەن اقىلداسا كەلە شەشەتىن بولامىز», دەيدى ەرىك العابەك.

تاەكۆوندودان توكيو وليم­پياداسىنىڭ جولداماسى حالىق­ارالىق فەدەراتسيانىڭ (World Taekwondo) ارنايى رەيتينگى بو­يىنشا ۇلەستىرىلەدى. ياعني ەرلەر مەن ايەلدەر اراسىنداعى وليم­پيادالىق سال­ماق بويىنشا الەمدىك رەيتينگتە ۇزدىك ال­تى­لىققا ەنگەن سپورتشىلار تى­كەلەي لي­تسەنزياعا يەلىك ەتەدى. وكى­نىشكە قاراي, قا­زاقستان كومانداسى مۇشەلەرى رەيتينگتە التىلىق قاتارىنان كورىنە الما­عاندىقتان, ەندى ولار يوردانيادا وتەتىن قوسىمشا ازيا ايماقتىق ىرىكتەۋ تۋرنيرىندە ليتسەنزياعا تالاسىپ كورەدى. تاەكۆوندودان قازاقستان كومانداسى ءتورت سالماقتا جول­داماعا تالاسادى. ايەلدەر ارا­سىن­دا فاريزا الدوڭعاروۆا (49 كگ), جانسەل دەنيز (+67 كگ), ەرلەر ارا­سىندا قايرات سارىمساقوۆ (68 كگ) جانە رۋسلان جاپاروۆ (+80 كگ) سىن­عا تۇسەدى دەپ جوسپارلانۋدا.

كۇرەس تۇرلەرىنەن ازيا ايماق­تىق ىرىك­تەۋ ءتۋرنيرى 9-11 ءساۋىر كۇن­دەرى الماتىدا, ال الەمدىك لي­تسەنزيالىق جارىس 6-9 ما­مىر كۇن­دەرى بولگاريانىڭ سوفيا قالا­سىندا ۇيىمداستىرىلادى. بۇگىندە التى سالماقتىڭ تورتەۋىندە جول­داما العان ەركىن كۇرەس شەبەر­لەرى قالعان ەكى سالماقتاعى ول­قىلىقتى تولتىرۋعا نيەتتى. «قا­­­زاقستان قۇراماسىنىڭ العا قوي­عان ماقساتى – جولدامانى تۇگەندەۋ. ءساۋىر ايىندا الماتى قا­­لاسىندا قۇرلىقتىق ىرىكتەۋ ءتۋرنيرى مەن ازيا چەمپيوناتى وتەدى. قازىرگى تاڭدا بىزدە ەركىن كۇرەستەن وليمپيا ويىندارىنا ءتورت جولداما بار. ەندى قالعان ەكى سالماق دارەجەسىندە, اتاپ ايتار بولساق, 86 جانە 125 كيلوعا دەيىنگى سالماقتا جول­دامانى ەنشىلەسەك, وليمپياداعا ۇپا­يىمىز تۇگەل­دەنەدى. سوڭعى مۇمكىندىكتى قولدان جىبەرمەس ءۇشىن بارىمىزدى سالىپ, دايىندالامىز», دەيدى باس باپكەر اسەت سەرىكباەۆ.

حالىقارالىق سەمسەرلەسۋ فە­دەرا­تسياسى (FIE) ۇزاق ۇزىلىستەن سوڭ وليمپيا ويىندارىنا ىرىكتەۋ ءتۋرنيرىن باستاماق. اتاپ ايتار بولساق, الەمدىك ۇيىم جەكەلەگەن قارۋ تۇرلەرى بويىنشا ليتسەن­زيا­لىق جارىستاردىڭ قايدا وتەتىنىن ما­لىمدەدى. باس باپكەر الەكسەي پيستسوۆتىڭ پىكىرىنشە, قازاقستاندىق شپاگاشىلاردىڭ ليتسەنزياعا ىلىگەتىن مۇمكىندىگى جوعارى. «شپاگامەن سەمسەرلەسۋدەن ليتسەنزيالىق الەم كۋبوگى كەزەڭىن رەسەيدىڭ قازان قالا­سى قابىلدايدى. ەرلەر مەن ايەلدەر اراسىنداعى اتالعان سىن 19-23 ناۋرىزعا جوس­پارلانعان. ال ءساۋىر ايىنىڭ ورتاسىندا ازيا ايماقتىق وليمپياداعا ىرىك­تەۋ ءتۋرنيرى وتەدى. بىراق بۇل باسەكەنىڭ ناقتى قاي ەلدە ۇيىمداستىرىلاتىنى ءالى انىقتالعان جوق. سابليادان ەرلەر مەن ايەلدەر اراسىنداعى گران-پري ءتۋرنيرى 10-14 ناۋرىز ارالىعىندا ۇيىمداستىرىلادى. شپاگادان كوماندا ۇزدىكتەرىنىڭ ءبىرى رۋس­لان كۋربانوۆتىڭ توكيو ويىندارىنا قاتىسۋ مۇمكىندىگىن 95 پايىزعا باعا­لايمىن. سوڭعى تۋرنيردە جاقسى ونەر كور­سەتسە, ليتسەنزيا قورجىنعا تۇسەدى. ودان بولەك, 14-15 ساۋىردە وڭتۇستىك كورەيادا وتە­دى دەپ جوسپارلانعان ازيا اي­ماقتىق ىرىكتەۋ تۋرنيرىندە سابلياشى قىزدار مەن شپاگادان ۋليانا بالاگانسكايانىڭ جولداما الاتىن مۇمكىندىگى بار», دەيدى پيستسوۆ.

نىسانا كوزدەۋدەن قازاقستان قۇراماسى جاڭا ماۋسىمدا بىرنەشە تۋرنيرگە قا­تىسۋدى كوزدەپ وتىر. ال جىلدىڭ ەڭ ال­عاشقى جارىسى – كوماندالىق ەسەپتەگى ەل چەمپيو­ناتى. «جوسپار ادەتتەگىدەن اسا قاتتى وزگەرگەن جوق. الدىمەن كوماندالىق ەسەپتەگى قازاقستان بىرىنشىلىگىن وتكىزەمىز. سودان سوڭ ءبىزدىڭ سپورتشىلاردى الەم كۋبوگى كۇتىپ تۇر. ۇندىستانداعى الەم كۋبوگى كەزەڭىندە رەيتينگكە سايكەس تاعى دا ليتسەنزيالار ويناتىلادى. سونداي-اق وڭتۇستىك كورەيادا وتەتىن الەم كۋبوگى كەزەڭىنە شاقىرتۋ الدىق. ءارى قاراي توكيودا وتەتىن باقىلاۋ جارىسى بار. اتالعان سىنعا تەك قانا جولداما العان سپورتشىلار قاتىسا الادى. جاڭا ماۋسىم وتە قارقىندى ءارى جەمىستى وتكەلى تۇر. الەم كۋبوگىنىڭ تا­عى ءبىر كەزەڭى وليمپيادا قار­سا­ڭىندا ۇيىمداستىرىلادى. بۇل ءتۋر­نير­دىڭ بارلىعى دا حا­لىق­ارالىق فەدەراتسيانىڭ كۇن­تىز­بەسىندە تۇر. ەندەشە, ءبارى ساتى­مەن وتەدى دەگەن سەنىمدەمىز», دەيدى كوماندا باس باپكەرى ولگا دوۆگۋن.

ستەند اتۋدان قازاقستان كومانداسى العاشقى وقۋ-جاتتىعۋ جيىنىن تۇركيانىڭ كونيا قالاسىندا وتكىزىپ, ماروككونىڭ كاسابلانكا قالاسىنا اتتاندى. «بۇل مەملەكەتتە 9-27 اقپان ارالىعىندا دايىندالىپ, كەيىن ليتسەنزيالىق الەم كۋبوگىنا قاتىسۋ ءۇشىن مىسىرعا ساپار شەگەمىز. كايردەگى الەم كۋ­بوگى كەزەڭى اقپاننىڭ 26-سى مەن ناۋرىزدىڭ 6-سى ارالىعىندا وتەدى. الەم كۋبوگىنىڭ ليتسەنزيا تاراتاتىن سوڭعى كەزەڭى ءۇندىس­تاننىڭ نيۋ-دەلي قالاسىندا ۇيىم­داستىرىلادى. ارينە, ءبىز­دىڭ كوماندا سپورتشىلارىنىڭ وليم­پياداعا جولداما الاتىن مۇمكىندىگى بار. بىرنەشە سپورتشىدان ءۇمىت كۇتىپ وتىرمىز», دەيدى باس باپكەر سەرگەي كولوس.

ايتا كەتەلىك, ستەند اتۋدان قا­زاقستان كومانداسىنىڭ مۇشەسى اسەم ورىنباي جول­دامادان ءۇمىت­تى سپورتشىلار قاتا­رىن­دا. ول قاڭ­تاردىڭ اياعىندا وتكەن ونلاين ازيا چەمپيوناتىندا توپ جارعان بولاتىن.