اۋىل شارۋاشىلىعى ۆيتسە-ءمينيسترى ءمۇسىلىم ومىرياەۆ پارا الدى دەگەن كۇدىكپەن ۇستالدى. بۇل تۋرالى «قازاقستان جاڭالىقتارى» اگەنتتىگى حابارلادى.
«اعىمداعى جىلعى 21 جەلتوقساندا جەدەل-ىزدەستىرۋ شارالارىنىڭ ناتيجەسىندە قارجى پوليتسياسى اگەنتتىگىنىڭ قىزمەتكەرلەرى مەملەكەتتىك ساتىپ الۋ كونكۋرستارىندا جەڭىسكە جەتۋگە كومەكتەسكەنى ءۇشىن 100 مىڭ اقش دوللارى كولەمىندە پارا الدى دەگەن كۇدىكپەن قر اۋىل شارۋاشىلىعى مينيسترلىگىنىڭ ۆيتسە-ءمينيسترى ومىرياەۆتى ۇستادى»,-دەپ جازىلعان ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ ءباسپاسوز قىزمەتى تاراتقان حابارلامادا. ءباسپاسوز قىزمەتىنىڭ مالىمەتىنشە, وسى كۇنى وعان قاتىستى اسا ءىرى كولەمدە پارا الۋ فاكتىسى بويىنشا قىلمىستىق ءىس قوزعالعان. «قىلمىستىق ءىس تەرگەلۋدە, ومىرياەۆكە قاتىستى بۇلتارتپاۋ شاراسىن قولدانۋ ماسەلەسى شەشىلۋدە.وزگە اقپارات تەرگەۋ مۇددەسىنە بايلانىستى جاريالانبايدى»,-دەپ حابارلادى ۆەدومستۆودان.
باقىتبەك كەنەش ۇلى.
دەرەككوز: «قازاقستان جاڭالىقتارى»
فوتو: Sled. net. ua