شىعىس قازاقستان وبلىسىنىڭ سەمەي قالاسىنداعى كاسىپكەردى تۋىسى ءولتىردى. بۇل تۋرالى «24 kz» حابارلادى.
سەمەي قالاسىنداعى مەيرامحانا يەسى 1,5 ملن.تەڭگە ءۇشىن ءوز ابىسىنى قولىنان قازا بولدى. بۇل جونىندە سەمەي قالالىق ىشكى ىستەر باسقارماسىندا وتكەن ءباسپاسوز ءماسليحاتىندا ايتىلدى. قىلمىسكەرلەر ولگا يسكاكوۆا ەسىمدى كاسىپكەردى ءوز پاتەرىندە ولتىرگەن سوڭ, ءمايىتتى قالادان 45 شاقىرىم جەرگە اپارىپ, ورتەپ جىبەرگەن.
10 جەلتوقسان كۇنى پوليتسيا بولىمىنە و. يسكاكوۆانىڭ جوعالعانىن ابىسىنى ءوزى ايتىپ بەردى. 2 كۇننەن كەيىن قالا سىرتىندا جاتقان ءمايىتتى جۇك كولىگىنىڭ جۇرگىزۋشىسى كەزدەيسوق كورىپ قالعان.
جەدەل ىزدەستىرۋ شارالارى كەزىندە و. يسكاكوۆانىڭ ولىمىنە ونىڭ ابىسىنىنىڭ قاتىسى بار ەكەندىگى انىقتالدى. كۇدىكتى تۋىسىن سىيبايلاسىمەن بىرگە ءولتىرىپ, 1,5 ملن. تەڭگەنى يەمدەنبەك بولعان.
«بۇل ازاماتتاردىڭ ۇستىنەن قىلمىستىق كودەكستىڭ 96-بابىنىڭ 2-تارماعى, ياعني قاساقانا كىسى ءولتىرۋ بويىنشا قىلمىستىق ءىس قوزعالدى. ولار 10-15 جىل باس بوستاندىعىنان ايىرىلۋى مۇمكىن»,- دەيدى سەمەي قالالىق ءىىب مەملەكەتتىك ءتىل جانە اقپارات ءبولىمىنىڭ باسشىسى ەلۋبەك وسپانوۆ. باقىتبەك كەنەش ۇلى.
دەرەككوز: «24 kz»
فوتو: «كۋرەر سرەدا».