دۇنيەجۇزىلىك دەنساۋلىق ساقتاۋ ۇيىمى COVID-19 ىندەتى تارالۋ قارقىنىنىڭ ءبىرشاما ازايعانىن مالىمدەدى. دەگەنمەن ساقتىق شارالارىن ساقتاۋدى ەشقاشان توقتاتپاۋ قاجەت دەيدى ۇيىم وكىلدەرى.
وكىلدەرى.
– ءبىز ءبىر كۇندە ىندەت جۇقتىرۋ سانىنىڭ تومەندەگەنىن بايقاپ وتىرمىز جانە بۇل قۋانارلىق جاڭالىق. بۇعان بىرقاتار فاكتورلاردىڭ قاتىسى بار, سونىڭ ىشىندە ەلدەردىڭ ۆيرۋستىڭ تارالۋىنا جول بەرمەۋ ماقساتىندا قولعا العان ساقتىق شارالارىن اتاپ وتۋگە بولادى. مەملەكەتتەردىڭ ىندەتتى جۇقتىرۋدان قورعاۋ شارالارى, مەديتسينالىق قىزمەتكەرلەردىڭ دايارلىعى جانە ۆاكتسيناتسيا كامپانياسى دەرتتىڭ تۇساۋلانۋىنا اسەر ەتىپ جاتىر. اۋرۋ دەڭگەيى تومەندەگەن ەلدەر پاندەميامەن كۇرەستى توقتاتپاۋى كەرەك. ادامدار دا ءوز كەزەگىندە الەۋمەتتىك قاشىقتىق ساقتاپ, ماسكا تاعىپ, قول تازالىعىنا ەرەكشە ءمان بەرىپ, جۇرتشىلىق كوپ شوعىرلانعان ورىنداردان اۋلاق جۇرگەنى ءجون, – دەيدى ددسۇ ەكسپەرتى ماريا ۆان كەركحوۆەن.
ددسۇ مالىمەتى بويىنشا, قازىر الەمدە ۆيرۋس جۇقتىرعاندار سانى 104,3 ميلليوننان استى. 2,2 ملن ادام كوز جۇمدى. قاڭتار ايىنىڭ ءبىرىنشى جارتىسىنان باستاپ ىندەتتى جۇقتىرۋ دەرەگىنىڭ تومەندەگەنى بايقالعان.