قازاقستاننىڭ شەكاراسىنان ءوتۋ ءتارتىبى وزگەردى

قر شەكارا قىزمەتىنىڭ سايتىندا جاريالانعان قۇجاتقا سايكەس, قازاقستان رەسپۋبليكاسىنىڭ ازاماتتارىنا قر ۇكىمەتىنىڭ شەشىمىمەن تىكەلەي اۋە قاتىناسى (تۇراقتى, تۇراقتى ەمەس چارتەرلىك رەيستەر) جاندانعان ەلدەرگە ساپارلاۋعا رۇقسات ەتىلدى. سونداي-اق قر ۇكىمەتىنىڭ شەشىمىمەن تىكەلەي اۋە قاتىناسى (تۇراقتى, تۇراقتى ەمەس چارتەرلىك رەيستەر) قايتا جانداندىرىلعان ەلدەردىڭ ازاماتتارىنا قازاقستان رەسپۋبليكاسىنىڭ اۋماعىنا/ اۋماعى ارقىلى كىرۋگە نەمەسە ترانزيتپەن وتۋگە رۇقسات بەرىلگەن. بۇل رەتتە, قازاقستان رەسپۋبليكاسىنىڭ حالىقارالىق كەلىسىمدەرىندە وزگە جاعدايلار قاراستىرىلماعان بولسا, ۆيزالىق تالاپ ساقتالۋى ءتيىس.

سونداي-اق قازاقستاندىق وتكىزۋ پۋنكتەرىندە ورنالاسقان كولىكتىك-لوگيستيكالىق ورتالىقتارىنا باراتىن حالىقارالىق جۇك تاسىمالداۋشى جۇرگىزۋشى – قىتاي حالىق رەسپۋبليكاسى ازاماتتارىنا 24 ساعاتتىق ۆيزاسىز كىرىپ-شىعۋعا رۇقسات بەرىلگەن.

بۇدان بولەك, سانيتارلىق-ەپيدەميولوگيالىق جاعداي جاقسارعانعا دەيىن قازاقستان رەسپۋبليكاسىنىڭ مەملەكەتتىك شەكاراسىنان وتۋگە شەتەلدىكتەر مەن ازاماتتىعى جوق ادامدارعا ۋاقىتشا شەكتەۋلەر ەنگىزىلەدى, كەلەسى ادامداردى قوسپاعاندا:

شەت مەملەكەتتەردىڭ ديپلوماتيالىق قىزمەت پەرسونالى مەن ولاردىڭ وتباسى مۇشەلەرى (جۇبايى, زايىبى, ولاردىڭ اتا-انالارى مەن بالالارى);

قر سىرتقى ىستەر مينيسترلىگىنىڭ شاقىرۋىمەن قازاقستانعا جىبەرىلگەن رەسمي دەلەگاتسيا جانە حالىقارالىق ۇيىمداردىڭ دەلەگاتسيا مۇشەلەرى;

قازاقستان رەسپۋبليكاسىندا اككەديتتەلگەن حالىقارالىق ۇيىمداردىڭ قىزمەتكەرلەرى مەن ولاردىڭ وتباسى مۇشەلەرى (جۇبايى, زايىبى, ولاردىڭ اتا-انالارى مەن بالالارى);

قازاقستان رەسپۋبليكاسىنىڭ قولدانىستاعى «س10», «ۆ8» ساناتىنداعى ۆيزاسى جانە قازاق ۇلتىنا تيەسىلىگى تۋرالى بەلگىسى بار جەكە باسىن كۋالاندىراتىن قۇجاتتارى (پاسپورت, جەكە كۋالىك, تۋ تۋرالى كۋالىگى جانە ت.ب. نوتاريالدى كۋالاندىرىلعان اۋدارماسىمەن بىرگە) بار ەتنيكالىق قازاقتار جانە ولاردىڭ وتباسى مۇشەلەرى (جۇبايى, زايىبى, اتا – انالارى مەن بالالارى); پويىز جانە لوكوموتيۆتىك بريگادالارىنىڭ, اۋە جانە تەڭىز كەمەلەرى ەكيپاجدارىنىڭ مۇشەلەرى جانە تەمىر جول تاسىمالداۋ پروتسەستەرىنە, جۇكتەردى جانە حالىقارالىق قاتىناستا جۇكتەردى تاسىمالداۋدى جۇزەگە اسىراتىن پوەزداردى قابىلداۋ, تاپسىرۋ جانە الىپ ءجۇرۋ وپەراتسيالارىنا قاتىساتىندار; قازاقستاندىق اۋەكومپانيالاردىڭ قىزمەتكەرلەرى (مارتەبەسىن راستاعان جاعدايدا) جانە ولاردىڭ وتباسى مۇشەلەرى (جۇبايى, زايىبى, اتا-انالارى مەن بالالارى);

قازاقستان رەسپۋبليكاسىنىڭ اۋماعىنداعى شەتەلدىك ترانسشەكارالىق قۇرىلىستاردا جانە شەكتەس مەملەكەتتەردىڭ اۋماعىنداعى قازاقستاندىق ترانسشەكارالىق قۇرىلىستاردا قىزمەتتىك مىندەتتەرىن اتقاراتىن جانە كۋالاندىرىلعان اتاۋلى تىزىمىندە بار پەرسونالدار;

قازاقستان رەسپۋبليكاسىنان جالعا الىنعان اۋماقتاردا ورنالاسقان اسكەري قۇرالىمدار, ونەركاسىپ بولىمشەلەرى مەن كاسىپورىنداردىڭ قۇرامىنا كىرەتىن رەسەي فەدەراتسياسىنىڭ ازاماتتارى جانە ولاردىڭ وتباسى مۇشەلەرى (جۇبايى, زايىبى, ولاردىڭ اتا-انالارى جانە بالالارى), سونداي-اق اسكەري قۇرالىمدارعا (بولىمشەگە, ونەركاسىپ كاسىپورىنعا) تيەسىلىگى مەن تۋىستىق بايلانىستارى راستالعان جانە رەسەي فەدەراتسياسىنىڭ ۋاكىلەتتى مەملەكەتتىك ورگاندارى مەن ۇيىمدارى بەرگەن جول ءجۇرۋ سەرتيفيكاتتارى بار بولعان كەزدە, وسى اسكەري بولىمدەرگە, بولىمشەلەر مەن ونەركاسىپتىك كاسىپورىندارىنا جىبەرىلگەن رەسەي فەدەراتسياسىنىڭ ازاماتتارى;

«بايقوڭىر» كەشەنى مەن بايقوڭىر قالاسىنىڭ اۋماعىنا باراتىن – «بايقوڭىر» كەشەنىندە جۇمىس ىستەيتىن, سونداي-اق بايقوڭىر قالاسىندا تۇراقتى نەمەسە ۋاقىتشا تىركەلگەن مەملەكەتتىك ورگانداردىڭ جانە وزگە دە ۇيىمداردىڭ جۇمىستىڭ/قىزمەتتىڭ جارامدىلىعىن راستايتىن قۇجاتىن/قۇجاتتارىن مىندەتتى تۇردە ۇسىناتىن رەسەي فەدەراتسياسىنىڭ ازاماتتارى مەن ولاردىڭ وتباسى مۇشەلەرى (جۇبايى, زايىبى, ولاردىڭ اتا-انالارى جانە بالالارى);

شەت مەملەكەتتەردىڭ ۇكىمەتارالىق فەلدەگەرلىك بايلانىس قىزمەتكەرلەرى, مارتەبەسى راستالعان كەزدە;

بۇرىن شەت مەملەكەتكە شىعىپ كەتكەن قازاقستان رەسپۋبليكاسىنىڭ ازاماتتىعى جوق ادامنىڭ كۋالىگىمەن قۇجاتتاعان ازاماتتىعى جوق ادامدار قازاقستان رەسپۋبليكاسىنا قايتىپ ورالعان كەزدە;

جەدەل ادىستەرمەن ەمدەلۋگە عانا كەلەتىن (ەرىپ كەلەتىندەر ەكى ەرەسەك ادامنان اسپايتىن), قازاقستان رەسپۋبليكاسى دەنساۋلىق ساقتاۋ سالاسىنداعى عىلىمي ۇيىمداردان (قازاقستان رەسپۋبليكاسىنىڭ دەنساۋلىق ساقتاۋ مينيسترلىگى بەكىتكەن ءتىزىم نەگىزىندە) جازباشا شاقىرۋى بارلار;

شەت مەملەكەتتەردىڭ ديپلوماتيالىق وكىلدىكتەرى مەن كونسۋلدىق مەكەمەلەرىنىڭ ءوتىنىشى بويىنشا, سونداي-اق وسى ديپلوماتيالىق وكىلدىكتەر مەن كونسۋلدىق مەكەمەلەردىڭ كەلىسىلگەن كومەگىمەن ءوز ازاماتتارىن ەلىنە ودان ءارى ۇشىپ شىعۋ نەمەسە اۆتوموبيل وتكىزۋ پۋنكتتەرى ارقىلى كەتۋ ءۇشىن قازاقستان رەسپۋبليكاسىنا اۋە وتكىزۋ پۋنكتتەرى ارقىلى كەلەتىندەر;

تۋىستىعىن راستايتىن قۇجاتتارى بولعان كەزدە وتباسى مۇشەلەرى مەن جاقىن تۋىستارىن (جۇبايى (زايىبى), اتا-انالارى (اتا-اناسى), بالالارى, بالا اسىراپ الۋشىلار, اسىراپ الىنعاندار, اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى, اتاسى, اجەسى, نەمەرەلەرى) جەرلەۋگە بارا جاتقاندار, سونداي-اق قايتىس بولعان وتباسى مۇشەلەرى مەن جاقىن تۋىستارىنىڭ ءمايىتىن ء(مايىتىن) جەرلەۋ ورنىنا بىرگە كەلەتىندەر;

ەمدەۋ ورنىنان اۋىر ناۋقاستىعىن راستايتىن قۇجاتتارى بولعان كەزدە اۋىر ناۋقاستانعان وتباسى مۇشەلەرىن جانە جاقىن تۋىستارىن كۇتىپ-باعۋ ءۇشىن كەلەتىندەر (جۇبايى (زايىبى), اتا-انالارى (اتا-اناسى), بالالارى, بالا اسىراپ الۋشىلار, اسىراپ الىنعاندار, اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى, اتاسى, اجەسى, نەمەرەلەرى) جانە ولاردىڭ كامەلەتكە تولماعان بالالارى; قازاقستان رەسپۋبليكاسىنىڭ اۋماعىندا تۇرۋعا ىقتيارحاتى بارلار جانە ولاردىڭ وتباسى مۇشەلەرى (جۇبايى, زايىبى, ولاردىڭ اتا-انالارى مەن بالالارى) – 30 تاۋلىك ىشىندە 1 رەتتەن ارتىق ەمەس;

قازاقستان رەسپۋبليكاسى ازاماتتارىنىڭ وتباسى مۇشەلەرى بولىپ تابىلاتىندار - تۋىستىق بايلانىستار فاكتىسى راستالعان جاعدايدا (جۇبايى, زايىبى, اتا – انالارى مەن بالالارى) جانە ولاردىڭ كامەلەتكە تولماعان بالالارى - 30 تاۋلىك ىشىندە 1 رەتتەن ارتىق ەمەس;

قازاقستان رەسپۋبليكاسى اۋماعىنداعى وقۋ ورىندارىندا ءبىلىم الىپ جۇرگەندەر (وقۋشىلار, ستۋدەنتتەر, تىڭداۋشىلار, كۋرسانتتار), سونداي-اق ولار وقۋ ۆيزالارىن ۇزارتۋ, ستۋدەنتتىك ID-كارتالاردى رەسىمدەۋ, قازاقستاندىق وقۋ ورىندارىنىڭ شاقىرۋلارى بولعان كەزدە ەمتيحاندار (تەستىلەر) تاپسىرۋ ءۇشىن قازاقستان رەسپۋبليكاسىنا كەلگەن جاعدايدا.

وسى تارماقشادا كورسەتىلگەن ماقساتتار بويىنشا كەلەتىن شەتەلدىك ازامات كامەلەتكە تولماعان بولسا, ونى اتا-انالارىنىڭ (قورعانشىلارىنىڭ نەمەسە قامقورشىلارىنىڭ) الىپ كەلۋگە رۇقسات ەتىلەدى;

وسى تارتىپكە سايكەس قازاقستان رەسپۋبليكاسىنىڭ مەملەكەتتىك شەكاراسىنان وتۋگە رۇقسات بەرىلگەن, ادامداردى تاسىمالداۋدى جانە ەۆاكۋاتسيالىق رەيستەردى جۇزەگە اسىراتىن جۇرگىزۋشىلەر; ءاربىر جەكە جاعداي ءۇشىن قازاقستان رەسپۋبليكاسى پرەمەر-ءمينيسترىنىڭ ورىنباسارى توراعالىعىمەن ارنايى قۇرىلعان ۆەدومستۆوارالىق كوميسسيا بەكىتەتىن تىزىمگە سايكەس الەۋمەتتىك ماڭىزى بار كومپانيالاردىڭ قىزمەتكەرلەرى (ماماندارى);

قازاقستان رەسپۋبليكاسىنىڭ مەملەكەتتىك جانە جەرگىلىكتى اتقارۋشى ورگاندارىنىڭ شاقىرۋىمەن مەديتسينالىق جاردەم كورسەتۋ ماقساتىندا, سونداي-اق شەت مەملەكەتتەر مەن حالىقارالىق ۇيىمداردىڭ گۋمانيتارلىق كومەگى شەڭبەرىندە قازاقستانعا كەلەتىن مەديتسينالىق پەرسونال.

بۇدان بولەك, قازاقستان رەسپۋبليكاسىنىڭ ازاماتتارىنا 30 تاۋلىكتە 1 رەتتەن ارتىق ەمەس مەرزىمدە مەملەكەتتىك شەكارادان وتۋگە رۇقسات بەرىلگەن. اتالعان مەرزىم كەلەسى قازاقستان رەسپۋبليكاسى ازاماتتارىنا قولدانىلمايدى: ەلىمىزدىڭ ديپلوماتيالىق قىزمەتىنىڭ پەرسونالى مەن ولاردىڭ وتباسى مۇشەلەرى (جۇبايى, زايىبى, ولاردىڭ اتا-انالارى مەن بالالارى);

قازاقستان رەسپۋبليكاسى ۇكىمەتىمەن كەلىسىلگەن جانە شەت مەملەكەتتەردىڭ شاقىرۋىمەن باراتىن قازاقستان رەسپۋبليكاسىنىڭ رەسمي دەلەگاتسيا مۇشەلەرى;

 قىزمەتكەر رەتىندە جانە ولاردىڭ وتباسى مۇشەلەرى (جۇبايى, زايىبى, ولاردىڭ اتا-انالارى مەن بالالارى) مارتەبەسى راستالعان كەزدە - شەت مەملەكەتتەردىڭ اۋماعىندا ورنالاسقان قازاقستان رەسپۋبليكاسى مۇشەسى بولىپ تابىلاتىن حالىقارالىق ۇيىمداردىڭ قىزمەتكەرلەرى;

 قازاقستان رەسپۋبليكاسىنىڭ ۇكىمەتارالىق فەلدەگەرلىك بايلانىس قىزمەتكەرلەرى, مارتەبەسى راستالعان كەزدە; پويىز جانە لوكوموتيۆتىك بريگادالارىنىڭ, اۋە جانە تەڭىز كەمەلەرى ەكيپاجدارىنىڭ مۇشەلەرى جانە تەمىر جول تاسىمالداۋ پروتسەستەرىنە, جۇكتەردى جانە حالىقارالىق قاتىناستا جۇكتەردى تاسىمالداۋدى جۇزەگە اسىراتىن پوەزداردى قابىلداۋ, تاپسىرۋ جانە الىپ ءجۇرۋ وپەراتسيالارىنا قاتىساتىندار;

قازاقستان رەسپۋبليكاسىنىڭ اۋماعىنداعى شەتەلدىك ترانسشەكارالىق قۇرىلىستاردا جانە شەكتەس مەملەكەتتەردىڭ اۋماعىنداعى قازاقستاندىق ترانسشەكارالىق قۇرىلىستاردا قىزمەتتىك مىندەتتەرىن اتقاراتىن جانە كۋالاندىرىلعان اتاۋلى تىزىمىندە بار پەرسونالدار;

دەنساۋلىق ساقتاۋ مەكەمەلەرىنىڭ راستايتىن قۇجاتتارىن كورسەتە وتىرىپ, شەتەلگە ەمدەلۋگە باراتىندار (ەرىپ باراتىندار ەكى ەرەسەك ادامنان اسپايتىن), كەلەسى قۇجاتتارى بولعان كەزدە: - «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 30 قازانداعى № قر دسم-175/2020 بۇيرىعىمەن بەكىتىلگەن 026/ۋ نىسانىنا سايكەس دياگنوزدى جانە ەمدەۋ جەدەلدىگىن راستاۋ ءۇشىن اۋماقتىق امبۋلاتوريالىق-ەمحانالىق ۇيىمنىڭ دارىگەرلىك-كونسۋلتاتسيالىق كوميسسياسىنىڭ قورىتىندىسى», - نوتاريالدى كۋالاندىرىلعان اۋدارماسى بار شەتەلدىك مەديتسينالىق ۇيىمنان ەمدەلۋگە شاقىرۋ-حات;

 تۋىستىعىن راستايتىن قۇجاتتارى بولعان كەزدە وتباسى مۇشەلەرى مەن جاقىن تۋىستارىن (جۇبايى (زايىبى), اتا-انالارى (اتا-اناسى), بالالارى, بالا اسىراپ الۋشىلار, اسىراپ الىنعاندار, اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى, اتاسى, اجەسى, نەمەرەلەرى) جەرلەۋگە بارا جاتقاندار, سونداي-اق قايتىس بولعان وتباسى مۇشەلەرى مەن جاقىن تۋىستارىنىڭ ءمايىتىن ء(مايىتىن) جەرلەۋ ورنىنا بىرگە كەلەتىندەر;

 ەمدەۋ ورنىنان اۋىر ناۋقاستىعىن راستايتىن قۇجاتتارى بولعان كەزدە اۋىر ناۋقاستانعان وتباسى مۇشەلەرىن جانە جاقىن تۋىستارىن كۇتىپ-باعۋ ءۇشىن كەلەتىندەر (جۇبايى (زايىبى), اتا-انالارى (اتا-اناسى), بالالارى, بالا اسىراپ الۋشىلار, اسىراپ الىنعاندار, اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى, اتاسى, اجەسى, نەمەرەلەرى) جانە ولاردىڭ كامەلەتكە تولماعان بالالارى;

شەت مەملەكەتتەردىڭ اۋماعىنداعى وقۋ ورىندارىندا وقيتىندار, سونداي-اق قازاقستان رەسپۋبليكاسىنان ستۋدەنتتىك ۆيزالارىن ۇزارتۋ, ستۋدەنتتىك ID-كارتالارىن رەسىمدەۋ, ەمتيحانداردى (تەستتەردى) تاپسىرۋ ءۇشىن شىعاتىندار - شەتەلدىك ءبىلىم بەرۋ مەكەمەسىنىڭ شاقىرۋى بولعان جاعدايدا.

وسى تارماقشادا كورسەتىلگەن ماقساتتار بويىنشا كەلەتىن شەتەلدىك ازامات كامەلەتكە تولماعان بولسا, ونى اتا-انالارىنىڭ (قورعانشىلارىنىڭ نەمەسە قامقورشىلارىنىڭ) الىپ كەلۋگە رۇقسات ەتىلەدى;

ەڭبەك شارتى, كەلىسىمشارت, ەڭبەك ەتۋ رۇقساتى نەمەسە قابىلدايتىن مەكەمەدەن ەڭبەك قىزمەتىن جۇزەگە اسىرۋعا وزگە دە راستايتىن قۇجاتتار نەمەسە ولاردىڭ كوشىرمەلەرىن, سونداي-اق اتالعان ماقساتتاردا شەت مەملەكەتكە كىرۋ قۇقىعىنا رۇقساتى بار ەڭبەك قىزمەتىن جۇزەگە اسىرۋ ماقساتىندا شەتەلگە شىعاتىندار;

وسى تارتىپكە سايكەس ادامداردى تاسىمالداۋدى جانە ەۆاكۋاتسيالىق رەيستەردى جۇزەگە اسىراتىن قازاقستان رەسپۋبليكاسىنىڭ مەملەكەتتىك شەكاراسىنان وتۋگە رۇقسات ەتىلگەن جۇرگىزۋشىلەر;

قازاقستان رەسپۋبليكاسى باس پروكۋراتۋراسىنىڭ شەشىمى جانە قازاقستان رەسپۋبليكاسى ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ ءتيىستى حاتى نەگىزىندە - ەكستراديتسيالاۋ تارتىبىمەن بەرىلەتىن شەتەلدىكتەر, ازاماتتىعى جوق ادامدار مەن قازاقستان رەسپۋبليكاسى ازاماتتارىنىڭ قاتارىنان ىزدەستىرىلۋدە جۇرگەندەر جانە سوتتالعاندار, سونداي-اق ولاردى قابىلداپ الۋدى – بەرۋدى جۇزەگە اسىراتىن ايداۋ مەكەمەسىنىڭ قىزمەتكەرلەرى;

قازاقستان رەسپۋبليكاسىنان باسقا مەملەكەتكە تۇراقتى تۇرۋعا شىعاتىندا جانە/نەمەسە كوش-قون ۆيزالارى بارلار.