اقتوبە قالاسىندا 2005-2006 جىلى تۋعان جاسوسپىرىمدەر اراسىندا بوكستان ەل بىرىنشىلىگى ءوتتى. جالپىكوماندالىق ەسەپ بويىنشا قاراعاندى قۇراماسى ءبىرىنشى ورىندى يەلەندى, دەپ حابارلايدى Egemen.kz.
بوكستان ەل چەمپيوناتى 31 قاڭتار كۇنى باستالىپ, بۇگىن اياقتالدى. بىرىنشىلىككە ەلىمىزدىڭ بارلىق وبلىسى مەن شىمكەنت, نۇر-سۇلتان, الماتى قالالارىنىڭ قۇرامالارى قاتىستى. 14 سالماق دارەجەسىندە 280-نەن استام سپورتشى ءوزارا مىقتىنى انىقتادى (44كگ, 46 كگ , 48 كگ , 50 كگ, 52 كگ, 54 كگ, 56 كگ, 60 كگ, 63 كگ, 66 كگ, 70 كگ, 75 كگ, 80 كگ, 80 كگ +). ولاردىڭ اراسىندا رەسپۋبليكالىق, حالىقارالىق دودالاردىڭ جەڭىمپازدارى بار.
جالپىكوماندالىق ەسەپ بويىنشا قاراعاندى ءبىرىنشى ورىندى يەلەنسە, ودان كەيىنگى ورىندار ماڭعىستاۋ وبلىسى مەن شىمكەنت قالاسىنىڭ سپورتشىلارىندا.