«قتج-جۇك تاسىمالى» جشس وتكەن جىلدىڭ جەلتوقسانىنا دەيىن پاۆلودار ستانساسىنان ءنوۆوسىبىر ستانساسىنا (رف) تاعايىندالعان سالماعى 41 تونناعا دەيىنگى 20 فۋتتىق ىرىتوننالىق كونتەينەرلەرگە اليۋميني تيەۋدى جانە قابىلداۋدى كەلىستى.
«قازاقستاندىق ەلەكتروليز زاۋىتى» اق – الەمدىك نارىقتا جوعارى باسەكەگە قابىلەتتىگىمەن ەرەكشەلەنەتىن قازاقستانداعى العاشقى ءاليۋمينيدى ءوندىرۋشى, سالماعى 36 توننا بولاتىن يننوۆاتسيالىق 20 فۋتتىق كونتەينەرلەردە ءوز ونىمدەرىن تاسىمالداۋدى ۇيلەستىرۋ تۋرالى وتىنىشپەن ۇلتتىق تاسىمالداۋشىعا جۇگىندى. پويىزدار قوزعالىسىنىڭ قاۋىپسىزدىگى قامتاماسىز ەتىلىپ, جۇكتەردى ورنالاستىرۋ مەن بەكىتۋدىڭ بارلىق تەحنيكالىق تالابى ساقتالعاندا جانە تاسىمال جوسپارىنىڭ بولۋى جاعدايىندا رۇقسات ەتىلەدى.
زاۋىتتىڭ بارلىق ءونىمى كليەنتتەرگە تەمىرجول كولىگىمەن جەتكىزىلەدى. كومپانيا جۇكتەرىنىڭ شامامەن 90%-ى تەمىر جولدا كونتەينەرلەرمەن تاسىمالدانادى. كومپانيانىڭ كىرمە جولدارى جۇك وپەراتسيالارىن وندىرۋگە جانە كونتەينەرلەرگە قىزمەت كورسەتۋگە ارنالعان.
– بۇگىندە تەمىر جول بويىنشا كونتەينەرلىك تاسىمال كولەمى وڭ قارقىن كورسەتۋدە. ءبىز جۇكتەردى تاسىمالداۋداعى جۇك جونەلتۋشىلەردىڭ قاجەتتىلىگىن قامتاماسىز ەتۋ ءۇشىن تاسىمالدىڭ وسى ءتۇرىن دامىتۋعا دايىنبىز, دەدى «قتج-جۇك تاسىمالى» جشس باس ديرەكتورىنىڭ ءبىرىنشى ورىنباسارى قانات كوبەسوۆ.
تاسىمالدىڭ ايتارلىقتاي كولەمى مەن الىس قاشىقتىققا كونتەينەرلەردى پايدالانا وتىرىپ, جۇك جونەلتۋشى كولىكتىك شىعىنداردى تومەندەتەدى جانە ونىمدەردى جەتكىزۋ ۋاقىتىن قىسقارتادى, دەپ حابارلادى «قتج-جۇك تاسىمالى» جشس ءباسپاسوز قىزمەتى.