بۇل كورسەتكىش 58%-كە نەمەسە 16 مىڭ تەكسەرۋگە از. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قر قم مەملەكەتتىك كىرىستەر كوميتەتىنىڭ توراعاسى مارات سۇلتانعازيەۆ حابارلادى.
ول ناتيجەلەرگە سالىقتىق جانە كەدەندىك اكىمشىلەندىرۋدى تسيفرلاندىرۋدىڭ ارقاسىندا قولجەتكىزىلگەنىن اتاپ ءوتتى. ءوندىرىپ الۋ سوماسى 78 ملرد تەڭگەنى قۇرادى نەمەسە 8,3% ءوستى. 2020 جىلى 2,9 مىڭ كەدەندىك تەكسەرۋ جۇرگىزىلدى, ونىڭ ناتيجەلەرى بويىنشا 30,6 ملرد تەڭگە مولشەرىندە كتجس قوسىمشا ەسەپتەلدى جانە 11,3 ملرد تەڭگە ءوندىرىپ الىندى. بۇل كورسەتكىشتەر وتكەن جىلدارداعى كورسەتكىشتەردەن ەداۋىر ارتىق.
«جالپى, ءبىز تەكسەرۋلەرگە ناقتى شىعا باستادىق, ونى ايتىلعان ستاتيستيكادان بايقاۋعا بولادى. قاشىقتان باقىلاۋ تيىمدىلىگى 18% ارتتى, قوسىمشا 325 ملرد تەڭگە قامتاماسىز ەتىلدى. قاشىقتان باقىلاۋدىڭ جاڭا ادىستەرى ازىرلەندى. تاۋەكەلدى كومپانيالاردى ەرتە كەزەڭدە انىقتاۋ جانە ەشف شىعارۋ قىزمەتتەرىن شەكتەۋ بويىنشا پيلوت ىسكە اسىرىلۋدا», - دەدى مارات سۇلتانعازيەۆ.
ول پيلوتتىق جوبا قولعا الىنعالى 5 مىڭ تاۋەكەلدى سالىق تولەۋشى ءۇشىن ەشف جازىپ بەرۋ شەكتەلگەنىن, ولار بويىنشا اينالىم 2 ترلن. تەڭگەنى قۇراعانىن اتاپ ءوتتى. جوبا ىسكە قوسىلعان ساتتەن باستاپ بارلىعى 60 ملرد. تەڭگە ءوندىرىلدى. 2016 جىلدان باستاپ العاش رەت قازاقستان اۋماعىندا اقشا قاراجاتىن قولما-قول اقشاعا اينالدىرۋ 38%-كە تومەندەدى. الايدا, 2020 جىلدىڭ 11 ايىندا ەلدەن تىس جەرلەرگە جاسالاتىن اۋدارىمدار كۇرت ءوستى – 19%-كە. مكك مۇنداي پروتسەدۋرالاردىڭ دۇرىستىعىن انىقتاۋدا.