ماۋي ارالىنىڭ بيلىگى كەلگەن تۋريستەرگە تەلەفوندارىنا ارنايى قوسىمشا ورناتۋدى بۇيىردى, دەپ حابارلايدى Egemen.kz
بۇل قوسىمشانى 18 جاستان اسقان ءار ساياحاتشى قولدانۋعا مىندەتتى. جاعدايدى اۋەجاي ماماندارى مەن پوليتسيا قىزمەتكەرلەرى قاداعالايتىن بولادى.
قوسىمشانىڭ باستى مىندەتى – قولدانۋشىلاردى ۆيرۋس تاسىمالداۋشىلاردان نەمەسە ىندەتكە شالدىققانداردان قورعاۋ. ەگەر ماڭايىڭىزدا كوروناۆيرۋس جۇقتىرعان ادام بولسا, قوسىمشا بىردەن سىزگە ءانونيمدى تۇردە بەلگى بەرەدى. سونىمەن قاتار, قوسىمشا سىزگە جاقىن ورنالاسقان تۋريستەردىڭ تەلەفوندارىن قاداعالاي الادى. وسىلايشا اينالاڭىزداعى ادامداردىڭ پتر تەستى ناتيجەسىن دە ءبىلىپ وتىرا الاسىز.
ايدا ورالبەك