استانادا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قايرات سارىباي مەن ماروككو كورولدىگىنىڭ سىرتقى ىستەر جانە ىنتىماقتاستىق مينيسترلىگىنىڭ باس حاتشىسى ناسەر بۋريتانىڭ توراعالىعىمەن قازاقستان رەسپۋبليكاسى سىرتقى ىستەر مينيسترلىگى مەن ماروككو كورولدىگى سىرتقى ىستەر جانە ىنتىماقتاستىق مينيسترلىگى اراسىنداعى ساياسي كونسۋلتاتسيالاردىڭ 2-ءشى راۋندى بولىپ ءوتتى.
استانادا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قايرات سارىباي مەن ماروككو كورولدىگىنىڭ سىرتقى ىستەر جانە ىنتىماقتاستىق مينيسترلىگىنىڭ باس حاتشىسى ناسەر بۋريتانىڭ توراعالىعىمەن قازاقستان رەسپۋبليكاسى سىرتقى ىستەر مينيسترلىگى مەن ماروككو كورولدىگى سىرتقى ىستەر جانە ىنتىماقتاستىق مينيسترلىگى اراسىنداعى ساياسي كونسۋلتاتسيالاردىڭ 2-ءشى راۋندى بولىپ ءوتتى.
كونسۋلتاتسيالار بارىسىندا تاراپتار ەكىجاقتى ىنتىماقتاستىقتىڭ قازىرگى جاعدايى مەن دامۋ پەرسپەكتيۆالارىن, سونداي-اق, ءتۇرلى سالالارداعى بايلانىستاردى كەڭەيتۋ جولدارىن, ساۋدا-ەكونوميكالىق قاتىناستاردى ىلگەرىلەتۋ, ينۆەستيتسيالاردى قورعاۋ مەن ىنتالاندىرۋ, ديپلوماتيالىق جانە قىزمەتتىك پاسپورتتار يەلەرىن ۆيزالىق تالاپتاردان بوساتۋ تۋرالى ۇكىمەتارالىق كەلىسىمدەر جوبالارىنا قول قويۋعا دايىندىق ماسەلەلەرىن تالقىلادى.
تاراپتار حالىقارالىق جانە وڭىرلىك كوكەيكەستى ماسەلەلەر بويىنشا پىكىر الماستى. كونسۋلتاتسيالاردىڭ قورىتىندىسى بويىنشا حاتتاماعا قول قويىلدى, ساياسي كونسۋلتاتسيالاردىڭ كەزەكتى راۋندىن ماروككونىڭ استاناسى – راباتتا وتكىزۋ تۋرالى ۋاعدالاستىققا قول جەتكىزىلدى.
ساپارى بارىسىندا ناسەر بۋريتانىڭ قازاقستان پارلامەنتى سەناتىنىڭ توراعاسى قاسىم-جومارت توقاەۆپەن, مۇناي جانە گاز مينيسترلىگىنىڭ جاۋاپتى حاتشىسى قاناتبەك سافينوۆپەن كەزدەسۋلەرى بولىپ ءوتتى. قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى بولاتبەك ابدىراسىلوۆپەن بولعان كەزدەسۋدىڭ قورىتىندىسى بويىنشا مەملەكەتتىك باسقارۋ اكادەمياسى مەن ماروككو كورولدىگى سىرتقى ىستەر جانە ىنتىماقتاستىق مينيسترلىگىنىڭ ديپلوماتيالىق اكادەمياسى اراسىندا ءوزارا تۇسىنىستىك تۋرالى مەموراندۋمعا قول قويىلدى, دەپ حابارلادى قر ءسىم-ءىنىڭ ءباسپاسوز قىزمەتى.