ينتەرنەت الاياقتار پەتروپاۆل تۇرعىنىنان 2,5 ميلليوننان استام تەڭگەنى جىمقىرعان, – دەپ حابارلايدى Polisia.kz.
كيبەرقىلمىسكەرلەر ايلا-تاسىلدەرىن تۇرلەندىرۋدە. 66 جاستاعى پەتروپاۆلدىق اقىر سوڭىنا دەيىن قاسكويگە سەنبەگەنىمەن, 2 ميلليون 700 مىڭ تەڭگە قاراجاتىنان ايىرىلعان. ول ءوزىن تەلەفونمەن بانكتىڭ قاۋىپسىزدىك قىزمەتىنىڭ قىزمەتكەرىمىن دەپ تانىستىرىپ, كليەنتتىڭ شوتىنان بەلگىسىز بىرەۋ ءىرى كولەمدەگى سومانى الماق بولىپ جاتىر دەگەن. ترانزاكتسياعا جول بەرمەۋ ءۇشىن بانك كارتاسىنىڭ پين-كودىن اتاۋ كەرەكتىگىن ايتقان. ەر ادام باق-تان الاياقتاردىڭ ارەكەتتەرى جايلى بىلگەن, قىلمىسكەر كليەنتتىڭ شوتىندا جاتقان سومانى جانە ونىڭ سوڭعى ۋاقىتتا قانداي قارجى وپەراتسياسىن جاساعانى تۋرالى ايتىپ, ارباۋىنا تۇسىرگەن. بۇل سوزدەرگە سەنگەن ەر ادام پين-كودىن جايىپ سالىپ, بار جيعان-تەرگەن قاراجاتىنان ايىرىلعان پەتروپاۆل قالاسىنىڭ پب ەكىنشى پوليتسيا ءبولىمىنىڭ قىزمەتكەرلەرى اتالعان فاكتىنى قر قىلمىستىق كودەكسىنىڭ 190-بابى (الاياقتىق) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە تىركەدى.
– بۇل جاعداي ءبىرلى-جارىم ەمەس. الدا قىلمىسكەرلەردىڭ ناقتى مالىمەتتى قايدان العانىن انىقتاۋ كەرەك. ازىرگە الاياقتاردىڭ قۇپيا اقپاراتقا قانداي جولمەن قولجەتكىزگەنىن ءبىلۋ قاجەت بولىپ تۇر. سەنىمگە كىرۋ, ولار ەسىمى مەن جاسىن, جسن مەن ءۇيىنىڭ مەكەنجايىن, بانكتەگى شوتىنىڭ جاعدايىن ايتادى. دەگەنمەن, اقشاعا قولجەتكىزۋ ءۇشىن ولارعا كارتانىڭ پين-كودى نەمەسە sms-حابارلامادان ءبىر رەتتىك قۇپيا ءسوز قاجەت. بۇل مالىمەتتەرگە الۋ ءۇشىن ولار پسيحولوگيالىق قىسىم كورسەتەدى. بانككە جەكە حابارلاسپاۋىنا سەنىمدى تۇردە كەڭەس بەرەدى. باتىل, نىق سويلەسىپ, كەيدە قىسىمشىلىق جاساۋى دا مۇمكىن- مۇنداي جاعدايلاردىڭ ءبىرىن ءبىزدىڭ قىزمەتكەرلەر قر قك 115-بابى (قورقىتۋ) بويىنشا سدتبت ەنگىزدى, دەيدى ەكىنشى پب باستىعى رۋسلان سىزدىقوۆ.
ناقتى بانك قىزمەتكەرلەرى تەلەفونمەن كليەنتتەردەن قۇپيا دەرەكتەردى ەشقاشان تالاپ ەتپەيتىنىن ەستەن شىعارماعان ءجون. كۇدىك تۋعىزعان قوڭىراۋ شالعان ۋاقىتتا ابزالى سويلەسۋدى بىردەن دوعارعان جانە لەزدە بانككە جەكە جۇگىنگەن دۇرىس نەمەسە رەسمي سايتتا كورسەتىلگەن Call-ورتالىققا تەلەفونمەن حابارلاسۋ قاجەت. پوليتسەيلەر ادامداردى ساق بولۋعا, ۇرەيگە بوي الدىرماۋعا شاقىرادى.