قر يندۋستريا جانە ينفراقۇرىلىمدىق دامۋ مينيسترلىگى رەسەيمەن اۋە قاتىناسىنا بايلانىستى مالىمدەمە جاسادى, دەپ حابارلايدى Egemen.kz
- رەسەيلىك «اەروفلوت» اۋە كومپانياسىنىڭ قازاقستانعا ۇشۋىنا قاتىستى باق-تاعى اقپاراتقا بايلانىستى, كوروناۆيرۋستىق ينفەكتسيا پاندەمياسىنا دەيىن قازاقستان مەن رەسەي اراسىنداعى تۇراقتى اۋە قاتىناسىن قازاقستاندىق جانە رەسەيلىك اۋە كومپانيالارى نۇر–سۇلتان, الماتى, اقتاۋ, اقتوبە, اتىراۋ, ورال, قاراعاندى, شىمكەنت, پاۆلودار, وسكەمەن, تاراز, قوستاناي جانە ماسكەۋ, سانكت-پەتەربۋرگ, نوۆوسيبيرسك, ەكاتەرينبۋرگ, استراحان, قازان, ومبى, ماحاچكالا, كراسنودار, تيۋمەن, مينەرالدى سۋلار قالالارى اراسىندا اپتاسىنا 178 رەيس جيىلىگىمەن جۇزەگە اسىرعانىن حابارلايمىز.
2020 جىلعى ناۋرىزدا كوروناۆيرۋستىق ينفەكتسيانىڭ پاندەمياسىنا بايلانىستى ەكى ەل اراسىنداعى تۇراقتى اۋە قاتىناسى توقتاتىلدى.
كوروناۆيرۋستىق ينفەكتسيانىڭ تارالۋىنا بايلانىستى شەكتەۋلەر ەنگىزىلگەنگە دەيىن ورىندالعان قازاقستان مەن رەسەي اراسىنداعى تۇراقتى رەيستەردىڭ قايتا باستالۋى مەن رەيستەر سانىن ۇلعايتۋ اۋە كومپانيالار ەمەس, الەمدەگى جانە ەكى ەلدەگى ەپيدەميولوگيالىق جاعدايدى ەسكەرە وتىرىپ, قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ جانە رەسەي فەدەراتسياسىنىڭ اۋماعىنا جاڭا كوروناۆيرۋستىق ينفەكتسيانىڭ اكەلىنۋى مەن تارالۋىنىڭ الدىن الۋ جونىندەگى جەدەل شتابتىڭ شەشىمدەرىنە سايكەس جۇزەگە اسىرىلادى.
قازىرگى ۋاقىتتا قازاقستان مەن رەسەي اراسىنداعى تۇراقتى اۋە رەيستەرىن «ەير استانا» جانە «اەروفلوت» اۋە كومپانيالارى اپتاسىنا 2 رەيس جيىلىگىمەن تەك نۇر-سۇلتان مەن ماسكەۋ قالالارى اراسىندا ورىندايدى, دەلىنگەن حابارلامادا.