تاۋەلسىزدىك كۇنى قارساڭىندا «قازمۇنايگاز» بارلاۋ ءوندىرۋ» اق قاراجانباس كەن ورنىندا جاڭا وندىرىستىك بازانى پايدالانۋعا تاپسىردى. نىسان 250 اۆتوكولىك پەن ارناۋلى تەحنيكاعا زاماناۋي قىزمەت كورسەتۋگە ارنالعان. سۋ جاڭا بازا «تەحنولوگيالىق كولىك جانە ۇڭعىمالارعا قىزمەت كورسەتۋ (تكجۇقك)» جشس-ءنىڭ جۇمىسشىلارىنا قىزمەت كورسەتەتىن بولادى. ونىڭ اشىلۋ سالتاناتىنا ماڭعىستاۋ وبلىسىنىڭ اكىمى اليك ايدارباەۆ پەن ارداگەر مۇنايشىلار جانە بازانىڭ جۇمىسشىلارى قاتىستى. «ناۋرىز ايىندا باستالعان قۇرىلىس ۇلى مەرەكە – تاۋەلسىزدىك كۇنى قارساڭىندا اياقتالىپ, پايدالانۋعا بەرىلىپ وتىر. بۇل وندىرىستىك بازا سوڭعى ۇلگىمەن جابدىقتالعان, مامانداردىڭ بارلىعى وزگە قالالاردان بىلىمدەرىن جەتىلدىرىپ, وقىپ كەلدى. تولىققاندى جۇمىس ىستەۋگە مۇندا جان-جاقتى جاعداي بار. بۇل نىسان «قاراجانباسقا» عانا ەمەس, باسقا دا مۇناي كومپانيالارىنا قىزمەت كورسەتەتىن بولادى. بولاشاقتا وسىنداي ۇلكەن بازانى جاڭاوزەن قالاسىنداعى «وزەنمۇنايگاز» اق جانىنان اشۋدى دا جوسپارلاپ وتىرمىز», – دەيدى وبلىس باسشىسى اليك ايدارباەۆ.
تاۋەلسىزدىك كۇنى قارساڭىندا «قازمۇنايگاز» بارلاۋ ءوندىرۋ» اق قاراجانباس كەن ورنىندا جاڭا وندىرىستىك بازانى پايدالانۋعا تاپسىردى. نىسان 250 اۆتوكولىك پەن ارناۋلى تەحنيكاعا زاماناۋي قىزمەت كورسەتۋگە ارنالعان. سۋ جاڭا بازا «تەحنولوگيالىق كولىك جانە ۇڭعىمالارعا قىزمەت كورسەتۋ (تكجۇقك)» جشس-ءنىڭ جۇمىسشىلارىنا قىزمەت كورسەتەتىن بولادى. ونىڭ اشىلۋ سالتاناتىنا ماڭعىستاۋ وبلىسىنىڭ اكىمى اليك ايدارباەۆ پەن ارداگەر مۇنايشىلار جانە بازانىڭ جۇمىسشىلارى قاتىستى. «ناۋرىز ايىندا باستالعان قۇرىلىس ۇلى مەرەكە – تاۋەلسىزدىك كۇنى قارساڭىندا اياقتالىپ, پايدالانۋعا بەرىلىپ وتىر. بۇل وندىرىستىك بازا سوڭعى ۇلگىمەن جابدىقتالعان, مامانداردىڭ بارلىعى وزگە قالالاردان بىلىمدەرىن جەتىلدىرىپ, وقىپ كەلدى. تولىققاندى جۇمىس ىستەۋگە مۇندا جان-جاقتى جاعداي بار. بۇل نىسان «قاراجانباسقا» عانا ەمەس, باسقا دا مۇناي كومپانيالارىنا قىزمەت كورسەتەتىن بولادى. بولاشاقتا وسىنداي ۇلكەن بازانى جاڭاوزەن قالاسىنداعى «وزەنمۇنايگاز» اق جانىنان اشۋدى دا جوسپارلاپ وتىرمىز», – دەيدى وبلىس باسشىسى اليك ايدارباەۆ.
وندىرىستىك بازا قازىرگى زامانعى تەحنولوگيالاردى پايدالانۋ ارقىلى اۆتوكولىك قۇرالدارى مەن ارناۋلى تەحنيكالارعا ورتالىقتاندىرىلعان ساپالى سەرۆيستىك قىزمەت كورسەتۋگە, سونداي-اق, جۇمىسشىلاردىڭ ەڭبەك ەتۋ جاعدايىن جاقسارتۋعا ارنالعان. ونىڭ قۇرىلىمىنا جەڭىل, اۋىر اۆتوكولىكتەر جانە اۆتوبۋستار تسەحى, باستىرما قالقاندار, قويمالار, جانارماي ساقتايتىن قويما, اۆتوكولىك جانار-جاعارماي قۇيۋ ستانسالارى كىرەدى. سونىمەن بىرگە, مۇندا سۋ دايىنداۋ جانە ءورت ءسوندىرۋ جۇيەلەرىمەن دە تولىق قامتىلعان ەكەن.
«قازمۇنايگاز» بارلاۋ ءوندىرۋ» اق ءوندىرىستى جاڭعىرتۋ باعدارلاماسىن ىسكە اسىرۋدى جالعاستىرۋدا. مۇندا قىزمەت كورسەتۋ دەڭگەيى ەۋروپالىق ستاندارتتارعا ساي كەلەدى. وسىنداي جاڭالىق جۇمىسشىلاردى قۋانىشقا بولەپ وتىر.
– مىنە, بۇگىن كوپتەن كۇتكەن بازامىز اشىلدى, بۇل ءبىز ءۇشىن ۇلكەن قۋانىش. نىسان مۇناي ءوندىرۋ سالاسىنداعى تەحنيكالارعا قىزمەت كورسەتەدى. مۇندا 160-قا جۋىق تەحنيكا بار, 500-گە تارتا جۇمىسشى ەكى اۋىسىمدا قىزمەت ەتەدى. بارلىق تەحنيكا سوڭعى ۇلگىمەن جابدىقتالعان. ال بۇل قۇرىلعىلارمەن جۇمىس ىستەيتىن جۇمىسشىلار الماتى قالاسىنا بارىپ وقىپ كەلدى, – دەيدى تەحنولوگيالىق كولىك تسەحىنىڭ باسشىسى بەردىحان ارەشوۆ.
دياگنوستيكالاۋ تسەحىندا اۆتوموبيلدەردىڭ, ولاردىڭ اگرەگاتتارى مەن توراپتارىنىڭ تەحنيكالىق جاعدايىنا باعالاۋ جۇرگىزىلەدى. تۇتاستاي العاندا, اۆتوكولىكتىڭ دە, ونىڭ بولىكتەرىنىڭ دە اقاۋسىزدىعى مەن جۇمىسقا قابىلەتتىلىگىن تەكسەرۋ, اقاۋلاردى ىزدەۋ, جەكەلەگەن ءبولىكتەر مەن جالپى العاندا اۆتوكولىكتىڭ قالدىق رەسۋرستارىن انىقتاۋ ءۇشىن باستاپقى دەرەكتەر ايقىندالادى. مۇندا جوعارعى قوندىرعىلاردىڭ جوندەۋشىسى بولىپ قىزمەت ەتەتىن ساندىعالي قوسىباەۆ بۇل قۇرىلعىلارمەن جۇمىس ىستەۋ بۇرىنعىعا قاراعاندا الدەقايدا جەڭىل ەكەنىن ايتادى. وسى سالادا 32 جىلدان بەرى ەڭبەك ەتىپ كەلە جاتقان ساندىعالي دا الماتى قالاسىنان ءبىلىمىن جەتىلدىرىپ كەلگەن ەكەن.
– جاڭا قۇرال-جابدىقتارمەن جۇمىس ىستەپ جاتىرمىز. ەسكى مەن جاڭانىڭ اراسىندا ءبىراز ايىرماشىلىق بار. بۇرىن ءبارىن قولمەن جاسايتىنبىز, قازىر قۇرالداردىڭ ارقاسىندا جۇمىس ءبىراز جەڭىلدەدى, – دەيدى ساندىعالي قوسىباەۆ.
ساعىندىق رزاحمەتوۆ.
ماڭعىستاۋ وبلىسى.