جەزتاڭداي ءانشى دامەش قۇرمانكينانىڭ ەسىمى وبلىس جۇرتشىلىعىنا جاقسى تانىس. بۇگىندە ول پەتروپاۆل قالاسىنداعى قازاق مەكتەپ-گيمنازياسى جانىنان اشىلعان «ونەر» ورتالىعىنا جەتەكشىلىك ەتەدى. مۇندا 22 ۇستاز ونەرگە ىنتىق 200-دەن استام وقۋشىعا دومبىرا, قوبىز, گيتارا, بايان, سكريپكا سەكىلدى مۋزىكالىق اسپاپتاردىڭ, ءداستۇرلى اندەردىڭ, بەينەلەۋ ونەرىنىڭ, ۇلتتىق بيلەردىڭ قىر-سىرىنا ۇيرەتەدى.
جەزتاڭداي ءانشى دامەش قۇرمانكينانىڭ ەسىمى وبلىس جۇرتشىلىعىنا جاقسى تانىس. بۇگىندە ول پەتروپاۆل قالاسىنداعى قازاق مەكتەپ-گيمنازياسى جانىنان اشىلعان «ونەر» ورتالىعىنا جەتەكشىلىك ەتەدى. مۇندا 22 ۇستاز ونەرگە ىنتىق 200-دەن استام وقۋشىعا دومبىرا, قوبىز, گيتارا, بايان, سكريپكا سەكىلدى مۋزىكالىق اسپاپتاردىڭ, ءداستۇرلى اندەردىڭ, بەينەلەۋ ونەرىنىڭ, ۇلتتىق بيلەردىڭ قىر-سىرىنا ۇيرەتەدى.
جۋىردا دامەش تاعى ءبىر يگى باستامانىڭ ۇيىتقىسى بولدى. ونىڭ ۇسىنىسى قالالىق مادەنيەت جانە تىلدەردى دامىتۋ بولىمىنەن قولداۋ تاۋىپ, «سايرا, دومبىرا!» اتتى حالىق اندەرى كەشىنىڭ تۇساۋكەسەرى ءوتتى. سەگىز سەرى, ءبىرجان سال, اقان سەرى, ۇكىلى ىبىراي سەكىلدى جەرگىلىكتى ءان جاۋھارلارىنىڭ شىعارماشىلىعىن ناسيحاتتاۋدى دىتتەگەن شارا شىمىلدىعىن س. مۇقانوۆ اتىنداعى قازاق سازدى-دراما تەاترىنىڭ ءانشىسى, رەسپۋبليكالىق تەرمەشىلەر بايقاۋىنىڭ جۇلدەگەرى كەنجەكەي اقجولوۆا اشتى. ول سىر سۇلەيلەرى نارتايدىڭ, تۇرماعامبەتتىڭ تەرمەلەرىن ءوزگەشە ماقاممەن جىرلاپ, تەرىسكەي جاققا تالماي تاراتۋمەن كەلەدى. بۇل جولى دا جۇرتشىلىق قوشەمەتىنە ءبولەندى. سول سياقتى, داستەن بايمۇقانوۆ, امانگەلدى رامازانوۆ, تاڭات بەيسەنباەۆ سىندى بەلگىلى تەرمەشىلەر دە ساحنا تورىنە كوتەرىلىپ, حالىق اندەرى مەن تەرمەلەردى ناقىشىنا كەلتىرە ورىنداپ بەردى. مەكتەپ وقۋشىلارى دياس سەرىكباي, گۇلجان سادۋاقاسوۆا, التىنبەك انۋاربەك, ءمادينا عابدۋللينا, اقمەرەي ادىلباەۆا, قايسار كەڭەسوۆ, جاندوس احمەتوۆ, الماس تۇتقىشەۆ «وي جايلاۋ», «بۋرىلتاي», «اقسيسا», «ەركەم-اي», «ايكەن-اي», «اق ەركە», «قازاق وسى», «ەڭبەك تۋرالى» حالىق اندەرى مەن تەرمەلەردى اۋەلەتە شىرقاپ, بولاشاقتارىنان ۇلكەن ءۇمىت كۇتتىرەتىندەرىن بايقاتتى.
دامەش ساپارقىزىنىڭ ايتۋىنشا, الداعى ناۋرىز مەرەكەسى قارساڭىندا ۇزىلىڭكىرەپ قالعان حالىق اندەرى مەن تەرمەشىلەر بايقاۋى قايتادان جاندانىپ, ونەرسۇيەر قاۋىممەن قاۋىشاتىن بولادى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.