وڭتۇستىك سۋدان استاناسىندا اسكەري توڭكەرىس ۇيىمداستىرۋعا باعىتتالعان ارەكەتتەر ناتيجەسىندە جەكسەنبى كۇننەن بەرى 26 ادام قازا بولىپ, 140-تان استامى جاراقات العان. بۇل تۋرالى جەرگىلىكتى دەنساۋلىق ساقتاۋ مينيسترلىگىنىڭ اقپارىنا سىلتەمە جاساعان يتار-تاسس حابارلادى.
ەلدىڭ بۇرىنعى ۆيتسە-پرەزيدەنتى ريەك ماشار جاقتاستارىنىڭ مەملەكەت باسشىسى سالۆاتورە كيردى قىزمەتىنەن شەتتەتۋگە باعىتتالعان ارەكەتتەرى ناتيجەسىز اياقتالعانىمەن, وڭتۇستىك سۋدان استاناسىنداعى تارتىپسىزدىكتەر باسىلار ەمەس. كۋاگەرلەر قالا ورتالىعىنان بىرنەشە شاقىرىم جەردەگى اسكەري كازارمالار اۋدانىندا قارۋلى قاقتىعىستار ورىن العانىن جەتكىزدى.
وڭتۇستىك سۋدان پرەزيدەنتى سالۆاتورە كيردىڭ ايتۋىنشا, بيلىكتى قۇلاتۋدى كوزدەگەن بىرنەشە ادام تۇتقىندالعان. الايدا, ولاردىڭ اراسىندا قۋعىنعا ۇشىراعان ساياساتكەر ريەك ماشاردىڭ بار-جوعى ايتىلمادى.
وڭتۇستىك سۋدان استاناسى دجۋبا قالاسىندا قازىر 18.00-دەن 6.00-گە دەيىن كومەندانتتىق ساعات ەنگىزىلگەن.
ايدار ورىسباەۆ.
دەرەككوز: Itar-tass.com