قازاقستاندىقتار پتر-تەستىلەۋ دەنى ساۋ ادامدار ءۇشىن جارامسىز دەگەن اقپاراتتى تالقىلاۋدا. بۇل تۋرالى فرانتسۋز دارىگەرى كريستيان پەررون مالىمدەگەن ەكەن. ونىڭ ايتۋىنشا, تالداۋدىڭ بۇل ءادىسى 90%-5ا دەيىن جالعان وڭ ناتيجە بەرەدى6 دەپ حابارلايدى Egemen.kz
ايگىلى ينفەكتسيونيست كريستيان پەررون, ەڭ الدىمەن, «ولار جاساماعان قاتەلىكتەر بار ما؟» دەگەن ەڭبەگىمەن كوپشىلىككە تانىمال. وندا ول فرانتسيادا قابىلدانعان پاندەمياعا قارسى شارالاردى سىنعا الادى.
سونىمەن قاتار, دوكتور پەررون COVID-19 گيدروكسيحلوروحينمەن ەمدەۋدى قولدايدى. اقش-تىڭ ازىق-ت ۇلىك پەن ءدارى-دارمەك ساپاسىن سانيتارلىق قاداعالاۋ باسقارماسى بۇل پرەپاراتتىڭ تيىمدىلىگىن 2020 جىلدىڭ ماۋسىم ايىندا جوققا شىعارعان بولاتىن.
«سوڭعى ناتيجەلەردى ەسكەرە وتىرىپ, اۋرۋحاناعا جاتقىزىلعان پاتسيەنتتەردىڭ ۇلكەن ارالاس توبىندا كلينيكالىق زەرتتەۋ جۇرگىزىلدى جانە بۇل ءدارىنىڭ ءولىم ىقتيمالدىعىن تومەندەتۋدە نەمەسە قالپىنا كەلتىرۋدى جەدەلدەتۋدە ارتىقشىلىقتارى بايقالمادى دەگەن قورىتىندى جاسالدى», دەلىنگەن ۆەدومستۆونىڭ رەسمي سايتىندا.
پتر تەستىلەۋ ءادىسىن دەنى ساۋ ادامدار ءۇشىن قولدانۋدىڭ تيىمسىزدىگىنە كەلەتىن بولساق, بۇل تەوريا دا دۇرىس ەمەس. مۇنداي تەست جۇيەلەرىنىڭ جالعان وڭ جانە جالعان تەرىس ناتيجەلەر بەرە الاتىنى راس, بىراق بۇعان جول بەرمەۋگە دە بولادى. ددسۇ-نىڭ رەسمي سايتىندا دارىگەرلەر مەن مەديتسينا قىزمەتكەرلەرىنە ارنالعان ۇسىنىستار جاريالانعان. ولاردىڭ ايتۋىنشا, جالعان ناتيجە اعزادا ۆيرۋس كونتسەنتراتسياسى تومەن ادامداردا بولۋى مۇمكىن. مۇنداي جاعدايلاردا ماماندار قايتا تەكسەرۋ جۇرگىزۋى كەرەك.
پتر تەستىلەۋدىڭ جالعان ناتيجەسىنىڭ ىقتيمالدىعى 90% ەكەندىگى تۋرالى ەش جەردە حابارلانعان جوق. ددسۇ جانە اۋرۋلاردى باقىلاۋ ورتالىعى پتر سىناقتارىن SARS-CoV-2 انىقتاۋدىڭ ەڭ ءتيىمدى ءادىسى رەتىندە ۇسىنادى.
دوكتور پەررون پتر تەستتى ازىرلەۋشى كەري ءمۋلليستىڭ ءوز ونەرتابىسىنىڭ ۆيرۋستاردى انىقتاي المايتىندىعى تۋرالى «مالىمدەمەسىنە» سۇيەنەدى. بۇل دالەلدىڭ شىندىققا ەشقانداي قاتىسى جوق. كەري مۋلليس پتر-ادىستەمەسى ارقىلى ايتۆ-نى دياگنوستيكالاۋ تۋرالى عانا ايتقان. ونىڭ COVID-19 نەمەسە اۋرۋدى دياگنوستيكالاۋ ادىستەرى تۋرالى ايتۋى مۇمكىن ەمەس, سەبەبى ول SARS-CoV-2 ۆيرۋسى ادامزاتقا بەلگىلى بولعانعا دەيىن قايتىس بولعان.
پتر تالداۋ ءادىسى گەرپەس, جىنىستىق ينفەكتسيالار, گەپاتيت, كانديدوز, تۋبەركۋلەز, اپۆ جانە باسقا دا كوپتەگەن اۋرۋلاردى انىقتاۋدا ناتيجەلى قولدانىلىپ كەلەدى.
دەمەك, ساۋ ادامدار ءۇشىن پتر تەستتىڭ ورىنسىز, ءتىپتى قاۋىپتى ەكەندىگى فاكتىلەرمەن راستالمايدى.