2020 جىلى ازاماتتارعا كەپىلدىك بەرىلگەن زاڭ كومەگىن كورسەتۋگە 1,8 ملرد تەڭگە ءبولىندى. بۇل تۋرالى قر ادىلەت ۆيتسە-ءمينيسترى ازامات امىرعاليەۆ ايتتى, دەپ حابارلايدى Egemen.kz
«2020 جىلى ادۆوكاتتىق قوعامداستىق 2019 جىلمەن سالىستىرعاندا 106 ادۆوكاتقا تولىقتى جانە 5 480-ءدى قۇرايدى. كەپىلدىك بەرگەن زاڭ كومەگىن كورسەتۋگە 1 ملرد 813 ملن تەڭگە بولىنگەن. مۇنداي كومەكتى 125 مىڭنان استام ازامات الدى. سونىمەن قاتار, الەۋمەتتىك از قامتىلعان 4 مىڭ ازاماتقا ەرىكتى جانە وتەۋسىز زاڭ كومەگى كورسەتىلدى», - دەدى ول مينيسترلىكتىڭ كەڭەيتىلگەن القا وتىرىسىندا. ونىڭ اتاپ وتۋىنشە, احات سالاسى بويىنشا ادىلەت ورگاندارى 55 000 استام قۇجاتتى اپوستيلدەدى. «اكىمدىكتەر 760 مىڭنان استام اكتى جازبالارىن تىركەدى. 2020 جىلى مينيسترلىك مەملەكەتتىك قىزمەت كورسەتۋ پروتسەسىن جەتىلدىرۋدە كەشەندى شارالاردى ىسكە اسىردى», دەدى ۆيتسە-مينيستر.