2020 جىلدىڭ جەلتوقسان ايىنىڭ سوڭىندا تۇركىستان وبلىسىنىڭ جەرگىلىكتى اسكەري باسقارۋ ورگاندارىندا اسكەرگە شاقىرۋ ناۋقانى اياقتالدى. ناۋقان بارىسىندا قارۋلى كۇشتەرگە, باسقا دا اسكەرلەر مەن اسكەري قۇرالىمدارعا ايماقتان 4 مىڭنان استام ادام جىبەرىلدى. وسىعان بايلانىستى قورعانىس ىستەرى جونىندەگى دەپارتامەنت باستىعى پولكوۆنيك نۇرماحانبەت دۇيسەباەۆ جىل قورىتىندىسىن شىعاردى, دەپ حابارلايدى Egemen.kz.
قورىتىندى شىعارۋ كەزىندە وتكەن جىلعى شاقىرۋ جوسپارىنىڭ ءجۇز پايىز ورىندالۋى, سونداي-اق شاقىرىلۋشىلار مەن اسكەري قىزمەتشىلەردىڭ كوروناۆيرۋستىق ينفەكتسيانى جاپپاي جۇقتىرۋىن بولدىرماۋعا مۇمكىندىك بەرەتىن سانيتارلىق-ەپيدەميولوگيالىق شارالاردى ۋاقىتىلى جۇرگىزگەندىگى ايتىلدى.
سونىمەن قاتار, جوعارى ءبىلىمدى اسكەرگە شاقىرىلۋشىلار مەن وبلىستا جۇمىس ىستەيتىن اسكەري-پاتريوتتىق كلۋبتاردىڭ قابىرعاسىندا وقۋ مەن شىڭداۋدان وتكەندەردىڭ سانى ارتقان. اتاپ ايتقاندا, تەك 2020 جىلدىڭ كۇزگى ناۋقانىندا جوعارى ءبىلىمى بار 180-گە جۋىق ازامات اسكەرگە شاقىرىلعان.
ءىس-شارانىڭ قورىتىندىسى بويىنشا وبلىستىق قورعانىس ىستەرى جونىندەگى دەپارتامەنت باستىعى سانيتارلىق-ەپيدەميولوگيالىق جاعدايدى ەسكەرە وتىرىپ, 2021 جىلى شاقىرۋدى ساپالى ۇيىمداستىرۋ جونىندە نۇسقاۋلار بەردى. قىزمەتتەگى جوعارى كورسەتكىشتەرى ءۇشىن ۇزدىك باسقارمالار مەن بولىمدەر, جەكەلەگەن اسكەري قىزمەتشىلەر گراموتالارمەن جانە العىس حاتتارمەن ماراپاتتالدى.