پرەزيدەنت اكىمشىلىگىنىڭ باسشىسى ەرلان قوشانوۆ پارلامەنت ءماجىلىسى مەن ءتۇرلى دەڭگەيدەگى ءماسليحاتتار دەپۋتاتتىعىنا كانديداتتارعا داۋىس بەردى.
ەرلان قوشانوۆ ءوز تاڭداۋىن نۇر-سۇلتان قالاسىنداعى «قازاقستان تەمىر جولى» ۇك» اق باس عيماراتىندا ورنالاسقان №110 سايلاۋ ۋچاسكەسىندە جاسادى. بۇل ۋچاسكەدە بارلىعى 2606 ازامات تىركەلگەن ەكەن.
سايلاۋشىلار بەلسەندىلىگىنىڭ جوعارى ەكەنى بىردەن بايقالىپ تۇردى. ال اتالعان سايلاۋ ۋچاسكەسىندە بارلىق سانيتارلىق تالاپتار ساقتالعانىن دا ايتا كەتكەن ابزال. عيماراتقا كىرەبەرىستە ارنايى ماماندار سايلاۋشىلاردىڭ دەنە قىزۋىن ولشەپ, تەگىن بەتپەردە مەن قولعاپتار تاراتتى.