جاسى جۇزدەن اسقان اجە سايلاۋدا داۋىس بەردى

وسى لەكتە وبلىس اكىمى اماندىق باتالوۆ تا ءوز تاڭداۋىن جاسادى. ايماق باسشىسى تالدىقورعان قالاسى ءى.جانسۇگىروۆ اتىنداعى مادەنيەت سارايىندا ورنالاسقان № 974 سايلاۋ ۋچاسكەسىنە كەلدى. نەگىزىنەن ءبىر مەزەتتە داۋىس بەرۋشىلەر قاتارى وبلىس ورتالىعىندا كوپ بولدى. دەرەك بويىنشا, تالدىقورعاندا 58 سايلاۋ ۋچاسكەسى بار بولسا, ەلەكتورات قاتارىندا 129 641 ادام تىركەلگەن ەكەن. ونىڭ ىشىندە 187 ادام ۇيدەن داۋىس بەرۋگە ءوتىنىش ءبىلدىرىپتى.

ال جامبىل اۋدانىنداعى 77 سايلاۋ ۋچاسكەسىندە 103 490 سايلاۋشى ءوز تاڭداۋىن جاساپ, داۋىس بەرگەن.

- مەن ەلىمىزدىڭ بولاشاعىن ايقىنداۋعا  ۇلەسىمدى قوسىپ, ءوز تاڭداۋىمدى جاسادىم.  ءبىز تاۋەلسىزدىك العان 30 جىلدىڭ ىشىندە قازاقستاننىڭ ۋاقىت كوشىمەن بىرگە قارقىندى دامىدى. بۇگىندە الەم حالىقتارى ءبىزدىڭ ەلدى بەيبىتشىلىك پەن دوستىقتىڭ مەكەنى دەپ سانايدى. ەلىمىزدىڭ الەۋمەتتىك-ەكونوميكالىق دامۋى, حالىقتىڭ تۇرمىس-تىرشىلىگى جىل سايىن جاڭا بەلەسكە كوتەرىلۋدە. بارشا وتانداستاردى, جەرلەستەردى سايلاۋعا قاتىسىپ, ءوز تاڭداۋىن جاساۋعا شاقىردىم, دەيدى جامبىل اۋداندىق ارداگەرلەر القاسىنىڭ توراعاسى جۇمابەك چاجاباەۆ .

ايتپاقشى, جەتىسۋداعى قارت سايلاۋشى سارقان اۋدانىندا تۇرادى ەكەن. سايلاۋ كۇنى 109 جاستاعى التىن اجە دە ءوز تاڭداۋىن جاسادى. قاريانىڭ ۇيدەن داۋىس بەرۋىنە جاعداي جاساپ, كوشپەلى جاشىك اكەلگەن سايلاۋ كوميسسياسىنىڭ وكىلدەرىنە باتاسىن بەرگەن ءوڭىردىڭ قارت تۇرعىنى التىنحان بەلدەۋباي;

- وسىنداي بەيبىت كۇندى حالقىمىز كوپ اڭسادىق. ەندى وسى تاۋەلسىزدىكتى باعالاۋىمىز كەرەك. مەنىڭ جاسىم جۇزدەن اسىپ كەتسە دە, ەشقاشان سايلاۋدان تىس قالعان ەمەسپىن, سايلاۋعا ءار ازاماتتىڭ بارۋى مىندەتتى. سايلاۋدا ەلىمىزدىڭ بولاشاعى شەشىلەتىن كۇن, وعان بەي-جاي قاراماعان ءجون. ەلىمىز امان جۇرتىمىز تىنىش, ءار وتباسىنا بەرەكە-بىرلىك تىلەيمىن6دەدى.