پارلامەنت ءماجىلىسىنىڭ توراعاسى نۇرلان نىعماتۋلين ەلورداعى #111سايلاۋ ۋچاسكەسىندە پارلامەنت ءماجىلىسىنىڭ دەپۋتاتتارىنا داۋىس بەردى, دەپ حابارلايدى Egemen.kz
بۇل سايلاۋ ۋچاسكەسى ۇلتتىق اكادەميالىق كىتاپحانانىڭ عيماراتىندا ورنالاسقان.
– پارلامەنتتىڭ التىنشى شاقىرىلىمى كەزىندە اۋىز تولتىرىپ ايتۋعا بولاتىن اۋقىمدى جۇمىستار اتقارىلدى. ناتيجە جاقسى بولدى. كوپتەگەن زاڭدار قابىلداندى. پارتيامىزدىڭ توراعاسى, ەلباسى نۇرسۇلتان نازارباەۆتىڭ ستراتەگيالىق باعىتىندا, مەملەكەت باسشىسى قاسىم-جومارت توقاەۆتىڭ حالىققا جولداۋىندا كوتەرىلگەن باستامالار مەن تاپسىرمالاردىڭ بارلىعى جان-جاقتى ورىندالدى. ال ەندى جەتىنشى شاقىرىلىمنىڭ دەپۋتاتتارى وسى جۇمىستاردى جالعاستىرىپ, بولاشاقتا ەلىمىزگە قاجەت زاڭداردى قابىلدايدى دەپ سەنىم بىلدىرەمىن. وسى سايلاۋ ۋچاسكەسىنە كىرە بەرىستە بايقاۋشىلارمەن كەزدەستىم.
ولار سايلاۋ ۋچاسكەلەرىنىڭ تاڭەرتەڭ ەرتە اشىلعانىن, سايلاۋشىلار جوعارى بەلسەندىلىك تانىتىپ, جاقسى كوڭىل كۇيمەن كوپتەپ كەلىپ جاتقانىن جەتكىزدى. سوندىقتان, سايلاۋ جۇمىسى ءادىل ءارى اشىق وتەدى دەپ سەنەمىن, – دەيدى نۇرلان نىعماتۋلين.
ايتا كەتەيىك, نۇر-سۇلتان قالاسىنداعى 3690 داۋىس بەرۋشى وسى ۋچاسكەدە تىركەلىپتى.