«اۋىل» حالىقتىق-دەموكراتيالىق پاتريوتتىق پارتياسىنىڭ ۇگىت-ناسيحات توبى «ازيا تارانگۋل» جاۋاپكەرشىلىگى شەكتەۋلى سەرىكتەستىگىندە بولدى. ەڭبەك ۇجىمىمەن كەزدەسۋ «اۋىلدان اۋىلعا» اكتسياسى اياسىندا ءوتىپ, وعان «اۋىل» پارتياسى وڭىرلىك فيليالىنىڭ باسشىسى تەمىرعالي ءابىلماجىنوۆ قاتىستى.
«ازيا تارانگۋل» – مال شارۋاشىلىعىمەن جانە ءداندى داقىلداردى وسىرۋمەن اينالىساتىن وڭىردەگى جەتەكشى شارۋاشىلىق. كاسىپورىن جەرگىلىكتى حالىقتى جۇمىس ورىندارىمەن قامتاماسىز ەتەدى. سونداي-اق وتاندىق اۋىل شارۋاشىلىعى ونىمدەرىن ەكسپورتتاۋعا جانە اۋىلدىڭ الەۋمەتتىك ينفراقۇرىلىمىن دامىتۋعا ۇلكەن ۇلەس قوسىپ كەلەدى.
شارۋاشىلىق باسشىسىنىڭ ايتۋىنشا, «اۋىل» پارتياسىنىڭ ازىق-ت ۇلىك قاۋىپسىزدىگى تۋرالى زاڭدى قابىلداۋ جونىندەگى باستاماسى وتە ۋاقتىلى. سەبەبى كەيىنگى جىلدارى اگروونەركاسىپ كەشەنى سۋبەكتىلەرىن مەملەكەتتىك قولداۋ جۇيەسىندە «تۇراقتىلىق» ۇعىمى جوعالىپ بارا جاتىر. جاڭا باسشىلاردىڭ كەلۋىمەن سۋبسيديالاۋ ەرەجەلەرى جانە ولاردى الۋ شارتتارى وزگەرەدى. مۇنىڭ ءبارى ۇزاق مەرزىمدى كەزەڭگە وندىرىستىك قىزمەتتى ستراتەگيالىق جوسپارلاۋعا تەرىس اسەر ەتەدى.
وڭىرلىك فيليال توراعاسى ت.ءابىلماجىنوۆتىڭ پىكىرىنشە, بۇل ماسەلە بارلىق دەڭگەيدە ورىن الۋدا. ارنايى زاڭدا پارتيا بارلىق تىكەلەي جانە جاناما شارالاردى قاراستىرۋدى جوسپارلاپ وتىر. وسىلايشا, مەملەكەتتىك ۋاكىلەتتى ورگاندار ەرەجە مەن شارتتاردى ەمەس, سۋبسيديالاۋ نورماتيۆتەرىن عانا تۇزەتەتىن بولادى. بۇدان باسقا, ازىق-ت ۇلىك قاۋىپسىزدىگى تۋرالى زاڭنىڭ قابىلدانۋى سالانى مەملەكەتتىك رەتتەۋ شارالارىن تۇراقتاندىرۋعا مۇمكىندىك بەرەدى.
كەزدەسۋدە سونداي-اق كوكتەمگى ەگىس جانە ەگىن جيناۋ جۇمىستارى كەزىندە اۋىل شارۋاشىلىعى تەحنيكاسىن جاڭارتۋدىڭ تومەن دەڭگەيى جانە جانار-جاعارماي ماتەريالدارىنىڭ قولجەتىمدىلىگى ماسەلەلەرى ايتىلدى.
سونداي-اق پارلامەنت ماجىلىسىنە جانە وبلىستىق, اۋداندىق ءماسليحاتتار دەپۋتاتتىعىنا كانديداتتار پاۆلودار, شىعىس قازاقستان, سولتۇستىك قازاقستان, تۇركىستان وبلىستارىندا شارۋا قوجالىعى ۇجىمدارىمەن جانە ىسكەر ايەلدەرمەن, كوپبالالى انالارمەن كەزدەسۋلەر وتكىزىپ, پارتيانىڭ سايلاۋالدى باعدارلاماسىن تانىستىردى.
پاۆلودار وبلىسى, پاۆلودار اۋدانى, نابەرەجنوە اۋىلىندا پارلامەنت ءماجىلىسىنىڭ دەپۋتاتتىعىنا كانديدات ن.ارسيۋتين جانە پاۆلودار وبلىستىق ءماسليحاتى دەپۋتاتتىعىنا كانديداتتار ب.امانجولوۆ, ە.توقتۋشاكوۆ, «اۋىل» پارتيياسىنىڭ سەنىمدى وكىلدەرى ە.بايگۋرمانوۆ, ا.باتىرشاەۆ, م.جەكسەنبي «انداس» شارۋا قوجالىعىنىڭ ۇجىمىمەن كەزدەسۋ وتكىزدى.
تۇركىستان قالاسىندا پارلامەنت ءماجىلىسىنىڭ دەپۋتاتتىعىنا كانديداتتار ق.ارالبەكوۆا, ر.توقسەيىتوۆا, ب.تولەگەن تۇركىستان قالالىق ءماسليحاتىنا كانديدات ق.بايمەن, قازىعۇرت اۋداندىق ءماسليحاتىنا كانديدات س.ستىباەۆا ىسكەر ايەلدەرمەن جانە كوپبالالى انالارمەن كەزدەسىپ, پارتيانىڭ سايلاۋالدى باعدارلاماسىن تانىستىردى. سونداي-اق كوپبالالى انالاردىڭ ماسەلەلەرىنە قۇلاق ءتۇردى.
شىعىس قازاقستان وبلىسى, گلۋبوكوە اۋدانى, پراپورششيكوۆو كەنتىندە «اۋىل» پارتياسىنىڭ اتىنان وبلىستىق جانە اۋداندىق ماسليحاتتارعا كانديداتتار م.فارادجەۆ «مۋرزىكانوۆا» شارۋا قوجالىعىنىڭ ۇجىمىمەن كەزدەستى.