دەنساۋلىققا بەيجاي قارامايىق

سوندىقتان دەنساۋلىقتى كۇتۋ – ەڭ اۋەلگى مىندەتىمىز. ەلىمىزدە 18 ملن-نان استام ادام بار. ورتاشا ءومىر ءسۇرۋ جاسى ەرلەردە – 57 جىل, ايەلدەردە – 72 جىل. مۇنىڭ باس­­تى سەبەپتەرى جۇرەك-قان تامىرلارى اۋرۋلارى, ونكولوگيالىق وكپە اۋرۋى, ناركوماندار, كۇيزەلىسكە ۇشىراعاندار, سالاۋاتتى ءومىر سالتىنىڭ ەرەجەلەرىن ساقتاماعاندار, سۋيتسيد بولىپ وتىر.

س.جيەنباەۆ اتىنداعى وبلىستىق جاسوسپىرىمدەر كىتاپحاناسى ەلى­مىز­دەگى ەپيدەميالىق جاعدايعا باي­لانىس­تى ءوز وقىرماندارىمەن ونلاين رەجىمىندە بايلانىسىن ۇزگەن ەمەس. وقىرمان قاۋىمعا قاجەتتى مالىمەتتەرىن, كەرەكتى دەرەكتەرىن ونلاين شارالار ارقىلى جۇيەلى تۇردە وتكىزىپ وتىرادى. جۋىردا كىتاپحانادا «جاراقاتتىڭ الدىن الۋ شارالارى» اتتى اقپاراتتىق ساعات ۇيىمداستىرىلدى. ءىس-شارا­نى وتكىزۋدەگى ماقسات – جاس­وس­پىرىم­دەردى جاراقات العان كەزدە كور­سە­تىلەتىن العاشقى كومەكتىڭ نەگىزگى ءادىس-تاسىلدەرىمەن تانىستىرۋ, ادام­گەر­شىلىك قاسيەت قالىپتاستىرۋ, جارا­قات­تانۋدى بولدىرماۋ, العاشقى كو­مەك كورسەتە بىلۋگە ۇيرەتۋ, ەڭبەككە باۋلۋ, ەڭ باستىسى, دەنساۋلىققا بەي-جاي قاراماۋعا شاقىرۋ.

ءىس-شارا تاقىرىبىنا ساي دەن­ساۋ­لىققا جانە ابايسىزدا بولاتىن جاراقاتقا بايلانىستى كوپتەگەن مالىمەت بەرىلدى. جاراقاتتانۋ تەك بالالار مەن جاسوسپىرىمدەرگە عانا ەمەس, بارلىق جاستاعى ادامدارعا ءتان. جىل سايىن الەمدە ءارتۇرلى جاراقاتتاردىڭ سالدارىنان 5 ملن ادام كوز جۇمادى. بۇل شامامەن جالپى ءولىم سانىنىڭ 9 پايىزىن قۇرايدى ەكەن. اسىرەسە جاراقات جاز, قىس ايلارىندا كوپتەپ كەزدەسەدى. ءىس-شارا بارىسىندا تىكەلەي ەفيردەن تاماشالاپ وتىرعان وقىر­ماندار جاراقاتتانۋدىڭ بار­لىق تۇرلەرىنىڭ الدىن الۋ شارالارى تۋرالى اقپاراتتاندىرىلدى. سو­نى­مەن قاتار جاراقاتتانۋدىڭ كۇيىك, ۇسىك, سىنىق, ۋلانۋ, قان كەتۋ سياق­تى تۇرلەرىنە توقتالىپ, جاراقات العان جاعدايدا زارداپ شەگۋشىگە ال­عاشقى كومەك كورسەتۋ جولدارىمەن تانىستى. تاقىرىپقا ساي كىتاپ كورمەسى ۇيىمداستىرىلىپ, كورمەگە بيبليوگرافيالىق شولۋ جاسالدى. كىتاپحانا قورىنداعى دەنساۋلىق, جاراقاتتىڭ الدىن الۋ, العاشقى كومەك تۋرالى كىتاپتار مەن بەينەسيۋجەت كورسەتىلدى.

شىرايلىم قۇداسوۆا,

س.جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ قىزمەتكەرى

اقتوبە