كەلەسى جىلدىڭ اقپا ايىندا مەلبۋرندە وتەتىن تەننيسشىلەردىڭ اۋستراليانىڭ اشىق بىرىنشىلىگىنىڭ جۇلدە قورى 54,5 ميلليون اقش دوللارىن قۇرايدى, دەپ حابارلايدى Egemen.kz
جوعارىداعى اقپاراتتى ايتۋلى جارىستى ۇيىمداستىرۋشىلار وزدەرىنىڭ رەسمي سايتىندا جاريا ەتىپ وتىر. «كۇللى الەمدى جايلاعان پاندەميا كوپتەگەن قولايسىزدىقتار تۋىنداتىپ وتىرعانىنا قاراماستان, ءبىز جۇلدە قورىن بىلتىرعى مولشەردەن تومەندەتپەۋگە بارىنشا كۇش سالدىق. سونىمەن قوسا, تاعى ءبىر جاقسى جاڭالىعىمىز بار. ماسەلەن, 2021 جىلى وتەتىن تۋرنيردە العاشقى اينالىمدا سۇرىنگەن تەننيسشىلەردىڭ ارقايسىسىنا 76 مىڭ دوللاردان تابىس ەتىلەدى. بۇل – بۇرىن-سوڭدى بولماعان رەكوردتىق سومما. جانە دە ىرىكتەۋ تۋرنيرىنە قاتىساتىنداردىڭ دا سىياقى مولشەرى كوبەيەدى. بۇل – الەمدىك رەيتينگتە تومەنگى ورىندارعا جايعاسقان ويىنشىلاردى قولداۋ ماقساتىندا قولعا الىنىپ وتىرعان شارا», دەلىنگەن سايتتى.
ەستەرىڭىزگە سالا كەتەيىك, اۋستراليانىڭ اشىق بىرىنشىلىگى 1905 جىلدان بەرى ۇيىمداستىرىلىپ كەلەدى. بيىلعى جارىستا ەرلەر اراسىندا سەربيالىق نوۆاك دجوكوۆيچ جەڭىمپاز اتانسا, ايەلدەر سايىسىندا امەريكالىق سوفيا كەنينگە تەڭ كەلەر ەشكىم بولمادى.