نۇر-سۇلتاندا وتباسىلىق دەنساۋلىق ورتالىقتارىنىڭ جەلىسى كەڭەيتىلۋدە

"حالىققا قول جەتىمدى ساپالى مەديتسينالىق كومەك كورسەتۋ - ەلوردانىڭ باسەكەگە قابىلەتتى دەنساۋلىق ساقتاۋ جۇيەسى جاعدايىندا جۇمىس ىستەيتىن بارلىق ەمحانالار ءۇشىن ماڭىزدى. قوعامدىق دەنساۋلىق ساقتاۋ باسقارماسى مەديتسينالىق-سانيتاريالىق العاشقى كومەك جۇمىسىن جاڭعىرتۋ جانە باستاپقى بۋىننىڭ ءرولىن كۇشەيتۋ ءۇشىن ۇلكەن جۇمۆس اتقارادى. قازىر اۋرۋدىڭ الدىن الۋ, ونىڭ سالدارىن ەمدەۋ, سالاۋاتتى ءومىر سالتىن ناسيحاتتاۋ, دەنساۋلىقتى نىعايتۋ, ءوز دەنساۋلىعى ءۇشىن ورتاق جاۋاپكەرشىلىكتى قالىپتاستىرۋ ءاربىر قازاقستاندىقتىڭ ماقساتى بولىپ تابىلادى", - دەپ اتاپ ءوتتى قوعامدىق دەنساۋلىق ساقتاۋ باسقارماسى وكىلدەرى.

ايتا كەتۋ كەرەك, بيىل ەلوردادا وسىنداي 10 امبۋلاتوريالىق ۇيىم اشىلدى. وتكەن جىلى ولاردىڭ 12-ءسى اشىلدى.

№9 قالالىق ەمحانا جانىنان تىركەلگەن تۇرعىندار ءۇشىن "امانات"وتباسىلىق دەنساۋلىق ورتالىعى ءوز جۇمىسىن باستادى. ناۋقاستاردىڭ مەديتسينالىق ۇيىمدارىنا جالپى پراكتيكا دارىگەرلەرى, پەدياترلار, بەيىندى ماماندار, اكۋشەر-گينەكولوگتار قابىلدايدى. سونداي-اق مۇندا ۋدز جانە ەكگ وتۋگە بولادى. ورتالىقتا ءدارىحانا, كۇندىزگى ستاتسيونار بار. بولمەلەر سانەمن بارلىق تالاپتارىنا سايكەس جابدىقتالعان جانە ستاندارتتارعا سايكەس كەلەدى.ء“بىز 14 مىڭنان استام ادامعا مەديتسينالىق كومەك كورسەتەمىز. كۇن سايىن ورتا ەسەپپەن 50-گە جۋىق ادامدى قابىلدايمىز", - دەيدى №9 ەمحانا ديرەكتورىنىڭ مىندەتىن اتقارۋشى دانا ابىلعازينا.

وتباسىلىق دەنساۋلىق ورتالىعى تمككك جانە ءمامس شەڭبەرىندە امبۋلاتوريالىق-ەمحانالىق, ستاتسيوناردى الماستىراتىن كومەك كورسەتەدى, وعان ۋچاسكەلىك قىزمەتتىڭ, پروفيلاكتيكا جانە مەديتسينالىق-الەۋمەتتىك كومەك بولىمشەلەرىنىڭ قىزمەتتەرى كىرەدى. بۇدان باسقا بەيىندى مامانداردىڭ كونسۋلتاتسيالىق-دياگنوستيكالىق كومەگى, فۋنكتسيونالدىق جانە ساۋلەلىك دياگنوستيكا (ۋدز) ۇسىنىلادى.

ەلوردا تۇرعىندارى وسى ورتالىقتاردان مەديتسينالىق قىزمەتتەردى تۇراقتى نەمەسە ۋاقىتشا تۇراتىن جەرىنە تىركەلۋ ارقىلى الا الادى. ول ءۇشىن تىكەلەي مەديتسينالىق ۇيىمعا جۇگىنۋگە نەمەسە eGov.kz.Yes پورتالىنا تىركەلۋدەن وتۋگە بولادى.